भांगरभूंय | प्रतिनिधी
विमान अपघात तपास विभागाची अहवालांत म्हायती
पणजी : गोंयच्या मनोहर आंतरराष्ट्रीय विमानतळार डिसेंबर २०२४ वर्सा गंभीर घडणूक जावपाची अशें विमान अपघात तपास विभागान आपल्या अहवालांत स्पश्ट केलां. एअर इंडियाचे एअरबस ए३२० विमान हें धांवपट्टीचे सुवाते वेल्यान चुकीचे टॅक्सी वे वेल्यान उड्डाण करपाक सज्ज जाल्लें. मात, एअर ट्रॅफीक कंट्रोल (एटीसी)च्या कर्मचार्यांनी वेळार शिटकावणी दिल्ल्या पायलटांनी १२४ नॉट्साच्या वेगान टेक-ऑफ आडायलो आनी व्हड अपघात जावपा पसून वाटवलो. हे घडणुकेंत शेकड्यांनी प्रवाशांचो जीव वाटवलो.
अहवालांत पायलटा कडल्यान परिस्थितीचे योग्य आकलन जावंक नाशिल्ल्याचें स्पश्ट केलां. एएआयबीच्या मतान, मनोहर विमानतळावर अत्याधुनीक सरफेस मुव्हमेंट गायडन्स सिस्टम उपलब्ध नाशिल्ल्यान ही चूक घडली. हें तंत्रज्ञान विमानांची धांवपट्टी आनी टॅक्सी वेवेली हालचाल स्पश्टपणान दाखयता. ताच्या उणावाक लागून पायलटांनी टॅक्सीवे धांवपट्टी समजून विमान उड्डाणा खातीर सज्ज केल्लें.
अहवाला प्रमाण, ५ डिसेंबर २०२४ दिसा ही घडणूक घडिल्ली. एटीसीच्या दक्षतेक लागून विमानाचे टेक-ऑफ रोखडेच आडायलें आनी शेकड्यांनी प्रवाशांचो जीव वाटवलो. हे घडणुकेन परत एक फावट विमानतळाचे सुरक्षिततायेच्या उपाय येवजणेचेर प्रस्न उप्रासल्यात. बेगोबेग तांत्रीक सुविधायांचो नियाळ घेवपाची गरज उक्तायल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
