भांगरभूंय | प्रतिनिधी
पेडणें: मोपा फाटल्या कांय दिसां सावन घर फोडपाच्या घडणुकांनी वाड जाल्या, हाका लागून ग्रामस्थां मदीं भंयाचें वातावरण निर्माण जालां. लोकांनी मोपा पुलीस स्टेशनांत निवेदन दिवन रातच्या वेळार पुलीस गस्त वाडोवपाची मागणी केल्या.
गांवच्या विवीध वाठारांनी रातच्या वेळार घर फोडून सामान चोरपाच्यो घडणुको मुखार आयल्यात. हें निवेदन दितना आदले सरपंच रुपेश परब, दशरथ परब, प्रभाकर परब, सर्वेश परब, राजन गांवस, साईश परब, शिवप्रसाद सावंत, सदानंद परब, घोडूराज परब आनी हेर थळावे हजर आशिल्ले. थळावें प्रशासन आनी पुलिसांनी योग्य ती दक्षता घेवंक ना जाल्यार घर फोडप्यांचें प्रमाण वाडपाक शकता. हाका लागून प्रभावी उपाययेवजण करून गांवांत शांतताय आनी सुरक्षितता दवरची, अशी अपेक्षा ग्रामस्थांनी उक्तायल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
