भांगरभूंय | प्रतिनिधी
पेडणें, प्रतिनिधी ः पेडणें तालुक्यांतल्या मोपा मनोहर आंतरराष्ट्रीय विमानतळार टॅक्सीकारांचे प्रस्न सोडोवचे बदला सरकार आनी कंपनी तांचे प्रस्न आनीक वाडोवपाक येसस्वी जातात. मोपाच्या आंतरराष्ट्रीय विमानतळार पार्किंग शुल्कांत 120 रुपयांची वाड केल्ल्यान सोमारा टॅक्सी चालक आक्रमक जाले. मोपा आंतरराष्ट्रीय विमानतळाच्या मुखेल गेटीचेर जायते टॅक्सीकार जमून आंदोलन सुरू करपाची शिटकावणी दिली. ह्या जाग्यार कसलीच अप्रिय घडणूक घडची न्हय म्हूण व्हड प्रमाणांत पुलीस तैनात आशिल्ले.
मोपा विमानतळार जीएमआर कंपनी टॅक्सीकारां कडल्यान 80 रुपया पार्किंग शुल्क घेताली. तांतूत आतां 120 रुपया वाडोवन पार्किंग शुल्क 200 रुपया केले. तिडकिल्ल्या टॅक्सीकारांनी आंदोलन करपाच्या तयारीत व्हज प्रमाणात मोपा विमानतळाच्या मुखेल गेटीचेर हजर जाले. पूण पुलीस तैनात आशिल्ल्यान आंदोलन करपाक मेळ्ळे ना.
आमदार आर्लेकार हांचे आश्वासन
आमदार प्रवीण अर्लेकार हांणी मोपा आंतरराष्ट्रीय विमानतळार, जंय टॅक्सीकार जमिल्ले, पुलीस तैनात आशिल्ले थंय वचून मुख्यमंत्री डॉ.प्रमोद सावंत हांचे वरवीं टॅक्सीकारांचे प्रस्न सोडोयतलो अशें उतर दिलें. जो मेरेन हो प्रस्न सुटावो जायना तो मेरेन कंपनीन टॅक्सी पार्क शुल्क वाडोवंक फावना. जे पयलीं पार्किंग शुल्क आशिल्ले तितलेच घेवचे. हे बाबतींत मुख्यमंत्री डॉ. प्रमोद सावंत योग्य तो उपाय काडटले असो विस्वास आमदार आर्लेकार हांणी उक्तायलो. ते खातीर टॅक्सीकारांनी आंदोलन फाटीं घेवन दिल्ल्या उतराचो निशेध करिनासतना सगल्या आंदोलन स्थगित केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.