भांगरभूंय | प्रतिनिधी
दिवचल काँग्रेस फुडारीः रमाकांत खलपूच सक्षम
भांगरभूंय । प्रतिनिधी
दिवचलः 25 वर्सां खासदार केंद्रीय मंत्री ह्या नात्यान केल्ली कामगिरी दुबळी आसा. गोंयाचे प्रस्न केंद्रांत मांडून न्याय दिवपी खासदार जाय. आमकां मोदींची गॅरंटी नाका, खासदाराची गॅरंटी जाय. ते खातीर रमाकांत खलप हेच सक्षम आसात, असो दावो दिवचल काँग्रेस फुडारी मेघश्याम राऊत, राजेश सावळ, मनोज नायक, विरेंद्र शिरोडकार, प्रणव परब, नाझीर बेग हांणी पत्रकार परिशदेंत केलो.
आमी घराघरांनी भोंवतात. आमकां लोकांचो तेंको आसा. आमकां मसुंडी, सभाघर बांदपी नाकात, जाल्यार व्हड उद्देग हाडून लोकांक रोजगारदिवपी, गोंयचें रुपरंग बदलपी, तशेंच म्हादय सांबाळपी खासदार जाय, अशें ह्या वेळार फुडाऱ्यांनी स्पश्ट केलें.
आमच्या प्रचारा वेळार आमचो फाटलाव करतात. पुलीस तशेंच कॅमेरेवाले मागार आसतात, अशें काँग्रेस फुडाऱ्यांनी सांगलें. तशेंच खलप निश्चीत जिखून येतले, असो विस्वास तांणी उक्तायलो. दिवचल म्हालांतले काँग्रेस फुडारी, कार्यकर्ते संघटीत आसा. दीसरात एक करून काम करतात. विरोधक काँग्रेसी विशीं फटकीरो प्रचार करतात, अशेंय दिवचलच्या काँग्रेस फुडाऱ्यांनी ह्या वेळार स्पश्ट केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
