मोतीबिंदू कोणाक जाता?

भांगरभूंय | प्रतिनिधी

जायत्या वर्सां सावन आमच्या आजो-आजी आनी जाण्ट्यांक मोतीबिंदू जाता तें आमी पळयलां. मोतीबिंदू हो फकत जाण्टेपणांतलो प्रस्न असो चुकीचो समज जायत्या जाणांक आसता, पूण तरणाट्यांकय मोतीबिंदू जावंक शकता अशें दिसून आयलां. देखून ह्या दुयेंसाचीं मुखेल कारणां कितें आनी दोळ्यांची जतनाय घेवपाक कितें करचें तें जाणून घेवप खूब गरजेचें; जेणे करून फुडाराक मोतीबिंदू जावपाचो धोको ना.

मोतीबिंदू कित्याक लागून जाता?

हैदराबादच्या केअर हॉस्पिटल्सची सल्लागार नेत्र वैज डॉ. दीप्ती मेहता सांगतात, आमच्या दोळ्यांतले भिंग चड करून नदरेक आदार दिवपाक स्पश्ट आसतात. जशीं जशीं आमी पिराय वाडटा आनी सुमार 40 वर्सां जातात तशीं तशीं भिंगांतलीं प्रथिनां तुटपाक लागतात. हाका लागून भिंगाक धूसर दिसता. ताका लागून नदर इबाडूंक शकता.”
तांच्या मतान मोतीबिंदू जावपाक लागपी कारण म्हळ्यार पिराय वाडप. जाण्टेपण येवप.
निळ्या उजवाडाचो संपर्क उणो करप, फावो तो सुर्याचो उजवाड मेळोवप आनी अँटीऑक्सिडेंट वापरप मोतीबिंदूचो धोको उणो करपाक मदत करूंक शकता अशें तांणी सांगलें. निळो उजवाड उणो केल्यार दोळ्यांचो ताण उणो करपाक मदत जाता, जाल्यार फावो तो सुर्याचो उजवाड मेळ्ळ्यार सर्काडियन ताल आनी कुडीचेर ऑक्सिडीभवन ताण उणो करपी अँटीऑक्सिडेंट उणे करपाक मदत जाता.”

ह्या गजालींची जतनाय घेयात

नेमान दोळ्यांच्या दोतोराचो सल्लो घेवचो.
दोळ्यांची वारंवार तपासणी करची.
अल्ट्रा व्हायोलेट किरणां पासून दोळ्यांची राखण करात.
खर उजवाड आडावपा खातीर सनग्लासेस वापरचे, खास करून घरा भायर आसतना
सिगार, विडी ओडटात जाल्यार बंद करात.
सोरो उणो करात.
मोतीबिंदू आशिल्ल्या दुयेंतींक व्हिटॅमिन सी आशिल्लो भरपूर आहार घेवपाची शिफारस करतात. गाजर, संत्रें खायात,
दोळ्यांचेर चड ताण पडचो न्हय हाची जतनाय घेयात. मोबायल फोन दीसभर पळयत बसूं नाकात. मोबायल फोनाक लागून दोळ्यांचीं दुयेसां मेळत ताका जावपाक लागल्यांत.

मोतीबिंदू केन्ना काडून उडोवचो?

दोतोर म्हणटात, “तुमचो मोतीबिंदू शस्त्रक्रिया करून काडपाचो सगळ्यांत बरो वेळ म्हणल्यार जेन्ना ताका लागून तुमच्या दिसपट्ट्या कामां करपाचे क्षमतेक आडमेळीं येतात. जेन्ना मोतीबिंदू वाचप सारकिलीं सादीं कामां कठीण जातात तेन्ना उपचारा खातीर दोतोराचो सल्लो घेवचो. आतां अर्द आदेसान लेझरा वरवीं शस्त्रक्रिया करतात. कांयच त्रास जायनात.