भांगरभूंय | प्रतिनिधी
बदलपी जिणे पद्दतीक लागून जायत्या जाणांक आपले भलायके कडेन लक्ष दिवपाक वेळ मेळना. हाचो भलायकेचेर गंभीर परिणाम जाता आनी वेगवेगळ्या दुयेंसांचो धोको निर्माण जाता. गोडेंमूत, रगतदाब ह्या सारक्या वेगवेगळ्या गंभीर दुयेंसांची सुरवात जाता. हांतूतलो थ्रोम्बोसिस हो एक दुयेंस हालींसराक संवसारभर लाखांनी लोकांक ताचो धोको निर्माण जाता.
थ्रोम्बोसिस म्हणल्यार कितें?
रगतपेशींत रगत एकठाय जावन गाठ तयार जावप म्हळ्यार थ्रोम्बोसिस. ही गाठ धमनी वा शिरांनी तयार जावंक शकतात. आनी हें घातक आसूं शकता. रगताची गाठ तयार जातकच ताच्या सामान्य मार्गांत रगत घोळटा तें आडायता, जाचो दुयेंतीचेर गंभीर परिणाम जावन काळजाचो आताक, स्ट्रोक वा फुफ्फुसांतलो एम्बोलिझम जावंक शकता.
थ्रोम्बोसिस कित्याक लागून जाता?
थ्रोम्बोसिस जावपाची शक्यताय वाडपी जायते जोखीम घटक आसात. तातूंत चड वेळ एकाच जाग्यार बसून रावपाची पद्दत, मोटसाण, धूम्रपान, गुरवारपण, आनुवंशिकी आनी पिराय हांचो आस्पाव जाता.
थ्रोम्बोसिसाचीं लक्षणां…
० पांय वा हात अशा प्रवाभीत भागांत सुज येवप.
० प्रवाभीत भागांत कात तांबडी जावप वा रंग बदलप.
० प्रवाभीत भागांत दुखप वा दुबळेपण येवप.
० अचकीत उश्णताय जाणवप.
० स्वास घेवपाक त्रास जावं येता वा छाती दुखूं येता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
