भांगरभूंय | प्रतिनिधी
चंदीगड, खबरां संस्था ः हरियाणा मंडळ परिक्षेंत हेर विद्यार्थ्या बदला हाजीर रावपी 34 जाणांक अटक केल्या. ते सगळे धावी बोर्डाचे परिक्षेक बशिल्ले.
अटक केल्ल्या लोकांनी पुलिसांक वेगवेगळीं कारणां सांगल्यांत. तातूंतल्या चडशा जाणांनी आपलो मोग सिद्ध करपा खातीर दुसऱ्याच्या जाग्यार परिक्षा दिवपाक आयल्यात अशें सांगलें. जाल्यार कांय जाणांनी आपल्या सोयऱ्यां आनी इश्टां खातीर परिक्षा दितात अशें सांगलें.
अटक केल्ल्या 34 जाणांतले 6 नेण्टे आसात. अटक केल्ल्या मदल्या जायत्या जाणांनी सांगलें, ते तांच्या इश्टीणीच्या सांगण्या प्रमाण इश्टीणीच्या भावाच्या बदला परिक्षा दिवपाक गेल्ले अशें मान्य केलें. जाका लागून तांचो तांच्या इश्टीणीचेर कितलो मोग करता आनी तिचे खातीर कितेंय करपाक शकता हें सिद्ध करपाक शकतले.
हे प्रकरण नूहांतल्या माउंट अरावली पब्लिक स्कूलाचे आसा जंय फटोवपाची घडणूक उजवाडाक आयली. हालीं हरियाणा बोर्डाचे धावे आनी बारावेचे दोनूय पेपर लीक जाले. हाचे उपरांत शिक्षण खातें सक्रीय जालें.
79 विद्यार्थी कॉपी करतना मेळ्ळे
अंदूं हरियाणा बोर्डाचे परिक्षेंत राज्यांतले 2,93,000 विद्यार्थी बसल्यात. सोमारा धावेचो इंग्लीश पेपर दनपारां 12:30 ते 3:30 मेरेन जालो. हातूंत राज्यांतल्या वेगवेगळ्या वाठारांतले 79 विद्यार्थी कॉपी करतना मेळ्ळे. उपरांत जायत्या केंद्रांनी पुलिसांक आपयले.
हाचे आदीं 28 फेब्रुवारीक बोर्डाचो बारावेचो गणित पेपरूय लीक जाल्लो, उपरांत 32 अधिकाऱ्यांक निलंबीत केल्ले. हातूंत 4 डीएसपी आनी 25 पुलीस अधिकाऱ्यांचो आस्पाव आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
