भांगरभूंय | प्रतिनिधी
मडगांवच्या भाटीकार मॉडेल हायस्कुलाच्या पंगडान 17 वर्सां पिराये सकयली चलयांची सालसेत तालुको बुद्दीबळ सर्त जिखली. खेळां आनी युवा वेव्हार संचालनालयान फातोड्डेंच्या इन्डोर स्टेडियमाचेर सर्तीचें आयोजन केल्लें.
भाटीकार मॉडेल हायस्कुलान आपले निमाणे लीग मॅचींत विद्या विकास अकादमीक हारयलो. रवींद्र केळेकार ज्ञानमंदीराक दुसरी सुवात फावो जाली. जाल्यार किंग्स हायस्कुलाक तिसरी आनी वेळ्ळींच्या सेंट झेवियर्स हायस्कुलाक चवथी सुवात फावो जाली.
भाटीकार मॉडेल हायस्कुलाच्या पंगडांत सानी गांवस, शौर्या पेडणेंकार, सृष्टी नायक, निधी शिरोडकार आनी इसरा रिकार्टी हांचो आस्पाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
