भांगरभूंय | प्रतिनिधी
सद्याचे पिळगेचो आनी आदले पिळगेचो सगळ्यांत व्हडलो फरक म्हळ्यार सैमाच्या सांगाताक घालयल्लो वेळ. ताका लागून भुरगीं शारिरीक नदरेन दुबळीं जायत आसात. ताचो परिणाम तांच्या समाजीक उदरगतीचेर जावपाक लागला. हार्वर्डाच्या मतान भायर उण्या प्रमाणांत सक्रीय आशिल्ल्या भुरग्यांक येस मेळपाची शक्यताय उणी आसता. 3- 5 वर्सां पिरायेच्या भुरग्यांनी दीसभर सक्रीय रावचें. 6 ते 17 वर्सां पिरायेच्या भुरग्यांक दिसाक 60 मिनटां खेळपाक जाय.
भायर खेळिल्ल्यान बरे भलायके खातीर पांच इंद्रियांची उदरगत सुदारता जेन्ना भुरगीं भायर खेळटात तेन्ना तांची नदर, आयकुपाची, स्पर्श, वास आनी रुच हांचीं पांच इंद्रियां समग्रपणान विकसीत जातात. ते चड कॅलरीज बर्न करता, जाका लागून स्थूलतायेचें धोको उणो जाता. हाचे भायर स्नायू आनी हाडां घट जातात. व्हिटॅमिन डीचें उत्पादन पुराय जाता, ताका लागून गंभीर शारिरीक आनी मानसीक दुयेंसांचो धोको उणो जाता.
येस मेळोवपा खातीर शिकपाची तांक आनी आत्मविस्वास वाडटा. येसस्वीपणाचें नियोजन, प्राधान्य दिवप, समस्या सोडोवप, वाटाघाटी करपाची गरज आसता. सैमीक वातावरणांत भुरगें इश्टां वांगडा खेळटा तेन्ना ह्यो कुशळटायो चड बऱ्यो जातात. ते शिकताना न्हय तर खेळटना ताचोय उपेग करतात. खेळाच्या वेळार ताची जोखीम घेवपाची तांक वाडटा, ताका लागून ताचो आत्मविस्वास वाडटा.
जर्नल ऑफ पॉझिटिव्ह सायकोलॉजीच्या म्हणण्या प्रमाण, सैमांत पांच मिनटां घालून लेगीत सकारात्मक भावना वाडटात. बर्मिंघम हांगाच्या अलाबामा विद्यापिठाच्या म्हणण्या प्रमाण 20 मिनटां पाचव्याचार जाग्यार वा व्यायाम केल्यार फकत खोशी वाडना, पूण एकंदर भलायकीय सुदारता.
कॉलेज लंडन विद्यापिठान 8 ते 9 वर्सां पिरायेच्या 450 मुळाव्या शाळेंतल्या भुरग्यांचो दीर्घकालीन अभ्यास केलो. भुरग्यांच्या मनाची, कुडीची आनी भावनांची योग्य उदरगत करपा खातीर हें म्हत्वाचें अशें संघटणेक दिसून आयलें. दरेका भुरग्यान दर दिसा उण्यांत उणें एक वर सैमांच्या सांगाता रावपाक जाय. हें पार्कांत, घरगुती बागेंत वा खंयच्याय पाचव्या जाग्यार करूं येता.
बालरोगविज्ञानीक वेवसायीक उपचारक आंजेला हॅन्सकॉम हिच्या मतान सध्या भुरगो सरासरी दिसाक तीन वरां स्क्रीनीचेर (मोबायल, टीव्ही, संगणक) रावता. अश्या वेळार तांकां वर्साक 1000 वरां म्हळ्यार सैमीक वातावरणांत दिसाक 3 वरां खेळपाक दिल्यार तांकां स्क्रीन टाइमचो प्रतिकार करपाक मेळटा.
भुरग्यांक खेळपाक कशें प्रेरीत करचे? भुरग्यांक भायर खेळपाक प्रोत्साहन दिवपी उपकरणां वा खेळणीं दिवचीं. तांकां खेळपा खातीर भौशीक उद्यानांत, मैदानांत वा सैमीक वातावरणांत व्हरचें. स्वताक प्रेरीत करपाचो एक बरो उपाय म्हणल्यार सक्रिय जिणे पद्दत आपणावप.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
