भांगरभूंय | प्रतिनिधी
मे म्हयनो सुरू जाला. ह्या म्हयन्यांत बँकांचे वेव्हार करपी नागरिकां खातीर म्हत्वाची बातमी आसा. कारण ह्या म्हयन्यांत वट्ट १४ दीस बँको बंद आसतल्यो. विंगड विंगड परबांच्या निमतान बँकांक सुटयो दिल्यात. ताका लागून बँकेचें काम करचे पयलीं ही म्हायती वाचात.
भारतीय रिझर्व्ह बँक नव्या म्हयन्याचे सुरवातेकूच बँकांच्या सुटयांची वळेरी प्रसिद्ध करता. अशे परिस्थितींत आरबीआयन मे म्हयन्या खातीर बँक सुटयेची वळेरी जाहीर केल्या. जर तुमकां ह्या म्हयन्यांत बँके कडेन संबंदीत खंयचेंय काम करपाचें आसल्यार बँकांच्यो सुटयो केन्ना येतल्यो हें जाणून घेवप गरजेचें. बँक ही एक गरजेची वित्तीय संस्था जावन आसा. अशे स्थितींत बँकांक चड वेळ सुटयो आसल्यार सगळीं कामां आडखळून पडटात. ताका लागून आमी ह्या म्हयन्यांत खंयच्या दिसा बँकांक सुटयो आसतल्यो हाची म्हायती दितली.
मे म्हयन्यांत बँकांक आशिल्ल्यो सुटयो
५ मे २०२४- आयतार आशिल्ल्यान बँको बंद.
७ मे – लोकसभा वेंचणुकेचो तिसरो टप्पो ७ मे दिसा आसा. मतदानाक लागून अहमदाबाद, भोपाळ, गोंय आनी रायपुरच्या बँकांनी कसलेंच काम जावचें ना.
८ मे – रवींद्रनाथ टागोर हांचे जयंती निमतान कोलकाता बँकेक सुटी.
१० मे- अक्षय तृतीयेक लागून बंगळुरू बँकेंत कांयच काम जावचें ना.
११ मे – मे म्हयन्याचो दुसरो शेनवार आशिल्ल्यान बँको बंद.
१२ मे – दिसा आयतार. बँको बंद.
१३ मे – लोकसभा वेंचणुकेच्या चोवथ्या टप्प्यांतलें मतदान आशिल्ल्यान श्रीनगरांतल्या बँकांक सुटी.
१६ मे- गँगटोकांत राज्य दिसा निमतान बँकेक सुटी.
१९ मे – दिसा आयतार. बँक बंद.
२० मे – लोकसभा वेंचणुकेच्या पांचव्या टप्प्यांतल्या मतदानाक लागून बेलापूर, मुंबय हांगच्यो बँको बंद आसतल्यो.
२३ मे – बुद्ध पौर्णिमे निमतान भारतांतल्यो जायत्या राज्यांतल्यो बँको बंद आसतल्यो.
२५ मे – मे म्हयन्याच्या चोवथ्या शेनवाराक लागून ह्या दिसा बँको बंद.
२६ मे – आयाताराक लागून बँको बंद उरतल्यो.
बँकेच्या सुटयेच्या दिसाय गिरायकां खुबश्यो बँकींग सेवा वापरपाक शकतात. तशेंच एटीएमांत वचून गिरायकां पयशे काडपाक शकतात. तशेंच तुमी नेट बँकींग आनी UPI वरवीं ऑनलायन वेव्हार करपाक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
