भांगरभूंय | प्रतिनिधी
बायुलाची बावली खंय? रायनान विचारलें.
“आमी तिकाच सोदतात”
” पूण ती खंय गेल्या?”
बायुलाक भुरगीं प्रस्न विचारत आशिल्लीं. इश्ट इश्टीणीचे प्रस्न आयकून बायुलान म्हणलें, येतली रोखडीच…बावली आयली
आमी तुजीच वाट पळयतालीं.
“तूं खंय गेल्ली”? शायना, उमेश, प्रणवान विचारलें. बावली मात शांत आशिल्ली.
” सांगता, आयकात ” म्हणलें बावलेन. काल बायुला बरोबर मार्केटात गेल्लें थंय म्हाका एक जाणटेली दिसली.
” जाणटेली, बायुलान पळयली ना?”
” ना, तें मम्मा बरोबर दुकानांत आशिल्लें. जाणटेलेची पोती पडली”. म्हाका माकोडमामाची याद जाली. दुसऱ्याक आदारय तयार.
“तुवें पोती उबारली?”
“हय,पोती फुटली टॉमांटां, बटाटे, फळां जमनीर पडलीं.
” कितें केले?”
पुंजांयली, नवी पोती भाजीवाल्यान दिली.
“मागीनासतना दिली?”
” हय”
” ग्रेट. ग्रेट मरे”.
जाणटेलेन ताका ” बरें जाव” अशें म्हणलें.
” हांवें जमनीवेले पुंजावंन पोतयेत घालें.म्हाका म्हजे आजी ,आज्याचो उगडास आयलो. जाणटेली म्हाका पळोवन अजापली.
” तूं कोण?” जाणटेलेन प्रस्न केलो. इतल्यात एक तरणाटो आयलो तिका घेवन गेलो. जाणटेली म्हाका सोदताली. पूण हांव उडत रावलें न्हय.
“आज तुमकां कांय गजाली सांगतां”.
कसल्यो त्यो? उमेश, प्रवीण, रेवान विचारलें.
माकोडमामाच्या घरच्याक एकामेकाक ” बरें जांवं”, बरें करुंन, देव बरें करुं”, सवकसायेन वचून यो”….. अशीं उतरां वापरपाची संवंय.
” तशें केल्यार कितें जाता?”रेवान विचारलें.
” दर एकट्याक खोस मेळटा”
“बरें दिसता. तुमी म्हणून पळयात”
मम्माक थेंक्यु म्हणप? प्रणवान विचारलें.
“हय” बावलेन म्हणलें. सदांच मम्मा, पप्पा, टिचर ,शेजारीपसून आमकां आदार करतात न्हय…?
” हय, करतात” नेहान म्हणलें.
” आमी तांकां दोन गोड उतरां दिवचीं”
” हय, हांवें केन्ना मतींत हाडलें ना” रेवान म्हणलें.
आजी मात सदांच ” बरें जावं म्हणटा” प्रणवान सांगलें.
” हय मरे.. अशें केल्यार बरें. आमकांय बरें”.
” अशी संवंय जाता” बावलेन म्हणलें. माकोडमाम आनी घरची एकामेकाची अपुरबाय करतात” उयो काडटात” !! शी…शी..
” हय ” रेवान म्हणलें.
“एकामेकाक मोगान सांबाळटात”. पोटाक घट्ट भुरगें आसुनय माकडीण पळया…कशी धांवता, उठटा, बसता….आनी माकडीणीच्या पिलांचो विश्वास वाडटा”
आमचीय मम्मा,पापा आमकां सांबाळटात….. थेंक्यु म्हणलें केन्ना?
” तशें म्हणपाची संवंय ना.”
” म्हणल्यार तांकां बरें दिसतलें”. बावलेन सांगलें.
हाजे फुडें म्हणटलें …..हांव. नेहा, प्रणवान एकाच बरोबर म्हणलें.
” दुसऱ्याक देव बरें करुं” म्हणप भोव गरजेचें, तशें जाणट्याचें पांयां पडप गरजेचें. याद दवरात……….सांतां धांवत येतलो चाॅकलेटी घेवन …..तांकां सगळ्यां, आदिं नाताळाची परबीं दिवया…. मेरी क्रिस्मस…..
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
