भांगरभूंय | प्रतिनिधी
पणजी : मेरशी महामार्गार शेनवारा मध्यानरातीं सुमार २ वरांचेर प्रवासी बसीक उजो लागलो. ही बस पुरायेन जळून गोबोर जाली. ह्या बसींत आशिल्ल्या प्रवाशांक कांयच जावंक ना. मात बसीचें आनी प्रवाशांच्या सामानाचें बरेंच लुकसाण जालें.
ही प्रवासी बस प्रवाशांक घेवन म्हापशें ते मडगांव रेल्वे स्टेशनकडेन वताली. बस मेरशी सर्कला लागीं पावतांच टायरांतल्यान अचकीत धुंवर येवपाक लागलो. हें कळटांच प्रवाशांक रोखडेच गाडयेंतल्यान भायर काडले.
हे विशींची म्हायती उजो पालोवपी दळाक दिली. उजो पालोवपी दळाचो पंगड कांय वेळा हांगा पवन उज्याचेर नियंत्रण हाडलें. मात त्यान पयलींच गाडी उज्यान पेटली. उजो पालोवपी दळान उजो पालयलो. जाल्यार बसींतल्या प्रवाश्यांक हेर बसीन धाडले. ह्या उज्याचें नेमकें कारण आजून स्पश्ट जावंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
