भांगरभूंय | प्रतिनिधी
भांगरभूंय । प्रतिनिधी
पोरणे गोंयः तिसवाडी तालुक्यांतल्या चडश्या पंचायतींत सरपंच, उपसरपंचपदा खातीर बिनविरोध निवड जाली, मात मेरशे पंचायतींत मात अटीतटीची लडत जावन अॅसीस फर्नांडीस आनी फिलोमिना परेरा 6 आड 5 मतांनी सरपंच आनी उपसरपंच म्हणून वेंचून आयले.
प्रमोद कामत पंगडातल्या एका पंचान रातयां भितर बाजू बदलिल्ल्यान हो धपको दिवपी निकाल जागलो. सरपंचपदा खातीर अॅसीस फर्नांडीस आनी प्रमोद कामत हांणी आनी उपसरपंचपदा खातीर फिलोमिना परेरा आनी राजेश फातर्पेकार हांणी अर्ज केल्ले.
पंच फोडाफोडीच्या राजकारणात अॅसीस फर्नांडिस हांच्या पॅनलान कामत पॅनलाचेर मात केली आनी प्रमोद कामत आनी राजेश फातर्पेकार हांका निमाणे हार खावची पडली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
