भांगरभूंय | प्रतिनिधी
पणजीः पोरणें गोंय पुलिसांनी मेरशें परमो बार रेस्टोरंट लागसार धाड घालून कृष्णा खडका (33, कुट्टी-फोंडें) ह्या गुन्यांवकाराक अटक केल्या. ताचे कडल्यान 52 हजार रुपया मोलाचो 520 ग्रॅम गांजो जप्त केला.
पोरणें गोंय पुलिसांनी दिल्ले म्हायती प्रमाण, मेरशे परमो बार अॅण्ड रेस्टोरंट लागसार एक व्यक्ती गांज्याची तस्करी करपा खातीर येवपाची आशिल्ल्याची म्हायती मेळिल्ली. ते प्रमाण उत्तर गोंय पुलीस निरिक्षक राघोबा कामत हाच्या फुडारपणा खाला उपनिरिक्षक एडवीन डायस, प्रतीक भट आनी पगडान बिरेस्तारा फांतोड्डेर 3 ते 3.30 वराच्या मजगतीं सांपळो रचलो. गुप्तहेरांनी दिल्ले म्हायती प्रमाण एक व्यक्ती त्या वाठारांत दुबावित रितीन भोंवता अशें पुलिसांचे नदरेक आयले. ताका लाब्यांत घेवन ताची चवकशी केली, तेन्ना आपूण कृष्णा खडका आशिल्ल्याची म्हायती दिली. उपरांत पंगडान ताची झडटी घेतली, तेन्ना ताचे कडेन 52 हजार रुपया मोलाचो 520 ग्रॅम गांजो सांपडलो. पुलिसांनी ताका ताब्यांत घेवन ताचे आड घुंवळे पदार्थ विरोधी कायद्याचें कलम 20 (बी)(ii)(बी) प्रमाण गुन्यांव दाखल केलो. ताका न्यायालयांत उबे केलो तेन्ना न्यायालयान 14 दीस न्यायालयीन कोठयेंत दवरपाचो आदेश दिला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
