भांगरभूंय | प्रतिनिधी
पणजी : मेरशें जिल्हो आनी सत्र न्यायालय संकुलाच्या उक्तावणा खातीर सरन्यायाधीश डॉ. धनंजय चंद्रचूड हे शुक्रारा गोंयांत दाखल जाले. आयज शेनवारा सकाळीे 11.30 वरांचेर नव्या जिल्हो आनी सत्र न्यायालय संकुलाचें उक्तावण जातलें. ह्या सुवाळ्याक मुख्यमंत्री डॉ. प्रमोद सावंत, कायदो मंत्री अालेक्स सिक्वेरा, अॅडव्होकेट जनरल देविदास पांगम तशेंच हेर मानेस्त हाजीर आसतले.
मेरेशें 20 हजार चौखण मिटर सुवातेंत 120 कोटी रुपया खर्चून जिल्हो आनी सत्र न्यायालयाची इमारत बांदल्या. व्हर्च्युअल न्यायालय, डिजीटल सेवा, सभाघर अशो सुविधा संकुलांत आसा.
सर्वोच्च न्यायालयाचे न्यायमुर्ती अभय ओका, न्यायमुर्ती राजेश बिंदाल, न्यायमुर्ती प्रसन्न वरळे, न्यायमुर्ती एन कोटीश्वर सिंग, मुंबय उच्च न्यायालयाचे मुखेल न्यायाधीश देवेंद्र कुमार उपाध्याय सुवाळ्याक हाजीर आसतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
