भांगरभूंय | प्रतिनिधी
आमी सुखी, मुक्त वातावरणांत रावल्यार आमकां सैमीक रितीन बरें दिसता. पूण, वातावरण वाजेवणें जाल्यार मन, मेंदवाचेर वजें पडटा. घुस्मटमार करपी वातावरण आसल्यार रोखडेंच भायर सरपाक जाय. कारण सुखाची भावना मेंदवांत सुखद हार्मोन तयार करता. हेच हार्मोन आमकां परत परत जायसे दिसतात. उरफाटें खर वागणूक मेळ्ळ्यार नकारात्मक अणभव टाळपाचो आमी यत्न करतात. तातूंतल्यान सुटका मेळोवपाची इत्सा आसता. वाज दिवपी वातावरणांत आव्हान ना. जंय आव्हान ना थंय वाज
आसतलो.
शाळांचें उदाहरण घेवया. मुळाव्या शाळेंतल्या भुरग्यांक फकत खडू आनी फळां घेवन शिकयतात, दीसभर बँचांचेर बसोवन दवरले जाल्यार तें तांच्या मेंदवाक हानीकारक आसता. फकत मिड टर्म ब्रेक हो पांय ताणपाचो, इश्टां वांगडा उलोवपाचो आनी खेळपाचो वेळ आसल्यार अशा भुरग्यांक वाज येतलो. देखूनच शाळे उपरांत भुरगीं खोशेच्या व्हडल्या आवाजांनी धांवून भायर सरतात, कारण तीं मुक्त जाल्यांत. कारण तांचे मेंदू थंयच्या बंद वातावरणाक जुळोवंक शकनात. भुरग्यांचो मेंदू घट आनी तीक्ष्ण दवरपाचो आसल्यार तांकां खेळपाची गरज आसता. वेगवेगळे व्यायाम करचे पडटात.
शाळेच्या पांवड्यार विचार केल्यार भुरगीं शिकतना जायत्या अणभवांक भियेतात. मार दितना जे भावना सोंसतात ते यादीक थिरावतात. देखून शिक्षकाक पळयतना तांकां ती भावना याद जातात. शारिरीक आनी तोंडी ख्यास्तीचे वेगवेगळे प्रकार दुख्खी भावनां कडेन संबंदीत आशिल्ल्यान याद जातात. ख्यास्त म्हणून गृहपाठ परतून करपाक सांगल्यार त्या गृहपाठांतलो आशय कितलो बरो याद आसा तें पळोवंक जाय. ताचे बदला अशे ख्यास्तीक लागून राग, अपमान, लज, तिडक याद जातात. पूण अभ्यास तितलोच याद उरपा सारको ना…
पूण कोणाक तरी आनी आदीं कितें भंय निर्माण करतालें तें तत्व वयर येता म्हणसर मेंदू संकेत धाडटा- पयस रावचें. फाटल्या अणभवांची याद जाता. ज्या भुरग्यांच्या शाळेंत शिक्षक, ख्यास्त, उणी ग्रेड, सतत उलोवप वा आवय- बापाय कडल्यान ख्यास्त मेळटा, तीं सगळीं दुख्खाच्या भावनांनी गुठलायल्लीं आसतात. आनी अशें खूब खरपणान याद जाता. देखून भुरग्यांक बरें शिकपाक जाय जाल्यार स्मृती भोंवतणी भावना गुंथप आसूंक जाय. पूण तीं सुखद, रोमांचक आणि खोशी करपी भावना आसची.
जेन्ना आमकां कांय तरेची चिंता भोगपाक लागता तेन्ना ताण निर्माण जाता. ताण दिवपी परिस्थिती निर्माण जातकच आमची जीब सुकी जाता, छाती धडधडटा, घाम येता, न्हिदेचेर परिणाम जाता, अस्वस्थताय वाडटा. पांय जड जातात, हात थरथरपाक लागतात, म्हळ्यार ताण आमच्या पुराय कुडीचेर परिणाम करता. मेंदू आपल्याक आवडीच्यो गजाली करता आनी आवडनात त्यो गजाली
टाळ्ळ्यो जाल्यार तो सादूर उरतलो.
गौरी भालचंद्र
9422337396
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
