भांगरभूंय | प्रतिनिधी
देशाच्या विरोधांत वावर करप्यांक सोडचें नात: शाह
नवी दिल्ली, खबरां संस्था ः केंद्र सरकारान मुस्लिम लीग जम्मू-काश्मीराचेर (मसरत आलम गट) बंदी घाल्या. गृहमंत्री अमित शाह हांणी ही म्हायती ट्विटा वरवीं दिली. देश विरोधी वावराक लागून युएपीए खाला हे संस्थेचेर बंदी घाल्या अशें तांणी सांगलें.
मसरत आलम गटाचे वांगडी जम्मू-काश्मीरांत देशविरोधी आनी वेगळेपणाच्या वावरांत वांटेकार आसात. आतंकवादी वावराक आदार दिवप आनी जम्मू-काश्मीरांत इस्लामी राज्य स्थापन करपाक लोकांक प्रवृत्त करतात. आमच्या देशाच्या एकचारा आड, सार्वभौमत्व आनी एकात्मते आड वागपी कोणाकूच सोडचें ना आनी ताका खर कायद्याक पाळो दिवचो पडटलो अशें सरकारचे स्पश्ट म्हणणें आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
