भांगरभूंय | प्रतिनिधी
दिवचल : मुळगांवच्या गांवकारवाड्या वयल्या श्री रामनाथ देवस्थाना लागसार आशिल्ल्या जांभ्या फातराचेर कोत्रायल्लें शिल्प सुमार हजार वर्सां आदलें आसा. हें शिल्प हिंदी धर्मियांचें शिवलींग आसा काय बौद्ध परंपरेंतलें संचीत वा स्तूप आसा हें निश्चीत खबर ना. मात हे शिल्पक-तीक आनी भोंवतणी आशिल्लें पाशाणी लींग आनी नंदीक सुमार एक हजार वर्सांचो इतिहास आसा. ह्या शिल्पाचें संवर्धन करपाची गरज आसा, अशें इतिहास मोगी राजेंद्र केरकार हांणी सांगलें.
केरकार हांणी सोमारा ते सुवातेर भेट दिवन पळोवणी केले उपरांत पत्रकारां कडेन उलयताले. लागींच आशिल्ल्या लामग्राम वा लामगांव वाठारांत पांडवांच्यो होवऱ्यो म्हूण फामाद आशिल्ल्या बौद्ध भिक्षुकांच्या होवऱ्यां कडेन साम्य दिसता. गोंय मुक्ती उपरांत खरें म्हणल्यार सरकारान अश्या दायज थळांचें पुराभिलेख खात्या वतीन संवर्धन करचे खातीर यत्न करपाक जाय आशिल्ले. पूण सध्याचे स्थितींत गोंयचें सांस्कृतीक संचीत आशिल्ली ती इतिहासीक वास्तू नानपयत जावपाचे वाटेर आसा, अशी खंत केरकार हांणी उक्तायली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
