भांगरभूंय | प्रतिनिधी
मडगांव : वेर्णाच्या साळावले जलप्रकल्पांतल्यान येवपी १२०० मिमी उदकाच्या पायपाक गळटी लागल्या. ह्या कारणाक लागून मुरगाव म्हाला सयत साश्टींतल्या बाणावले, नुव्यां, कुडटरे मतदारसंघ आनी सांतआंद्रें मतदारसंघाच्या कांय वाठारांत १५ मे मेरेन मर्यादीत उदकाची पुरवण उरतली.
फातोड्डें बांदकाम खात्याच्या कार्यकारी अभियंत्यां कडल्यान जारी केल्ली नोटीशी प्रमाण दोन दीस ही मर्यादीत उदकाची पुरवण आसतली. वेर्णाच्या साळावले जलप्रकल्पांतल्यान उदकाची पुरवण करपी उदकाच्या पायपाक गळती लागल्या. हाका लागून १५ मेक मर्यादीत उदकाची पुरवण आसतली. हाचो परिणाम कुठ्ठाळे, दाबोळे, वास्को, मुरगांवा सयत पुराय मुरगांव म्हाल, बाणावले, नुवें, कुडतरी मतदारसंघ आनी सांत आंद्रें मतदारसंघांतल्या कांय वाठारांनी जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
