भांगरभूंय | प्रतिनिधी
मुरगांव : मुरगांव नागरीक शिगमोत्सव समिती वतीन आयोजीत मुरगांव म्हाल मर्यादीत कारोके गायन सर्तीचें वस्तादपण कॅथरीन डिसोझा चोडणकार हाणें मेळयलें. दुसरें इनाम सिमरम खान, तिसरें इनाम दक्षा परब हांकां फावो जालें. जैतवंतांक मुखेल सोयरे शिगमोत्सव समितीचे अध्यक्ष तशेंच आमदार कृष्णा साळकार हांचे हस्तुकीं रोख इनामां, प्रशस्तीपत्रां आनी करंडक भेटयलो.
वास्कोच्या मुरगांव नागरीक शिगमोत्सव समिती वतीन आयोजीत कारोके गायन सर्तीचें पयलें उमेद वाडोवपी इनाम शिवम पालयेंकार, दुसरें नेहा रहाते, तिसरें केदार तोरस्कार हांकां फावो जालें. सर्तीचें परिक्षण योगेश कामत आनी राजेश मडगांवकार हांणी केली. सर्तींत परी नायक, सुनील हळदणकार, वैभव कवठणकार, मंगेश डिचोलकार, यशवंत केरकार, सुजय नायक, अनंत नायक, अरुण शिरोडकार, कमलेश केरकार हांणी वांटो घेतिल्लो. बायणाच्या रवीन्द्र भवनांत सर्तीचें ऑडिशन घेतिल्लें. तातूंत 50 परस अदीक कलाकारांनी वांटो घेतिल्लो. तातूंतले 15 स्पर्धक निमाणे फेरये खातीर पात्र थारले.
इनामां भेटवण सुवाळ्यांत आमदार साळकार हांचे सयत मुरगांवचे नगराध्यक्ष गिरीश बोरकार, नगरसेविका शमी साळकार, शिगमोत्सव समितीचे सरचिटणीस संतोष खोर्जुवेंकार, समन्वयक शेखर खडपकार, नगरसेवक विनोद किनळेकार, नगरसेवक दामू नायक, प्रशांत लोटलीकार, कारोके सर्तीचे आयोजन समितीचे मुखेली शैलेंद्र गोवेकार, नरेश नायक, उदय फडते आनी हेर वांगडी हाजीर आशिल्ले.
कारोके सर्ती वेळार आमदार साळकार आनी नगरसेविका शमी साळकार हांणी गायन सादर केलें. ह्या वेळार गोंयचे हास्यसम्राट मनोहर भिंगी हांची कार्यावळ आयोजीत केल्ली. सर्तीचें निवेदन प्रसाद प्रभुगांवकार हांणी कलें, जाल्यार शैलेंद्र गोवेकार हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
