भांगरभूंय | प्रतिनिधी
भांगरभूंय । प्रतिनिधी
वास्कोः भाजपा स्थापणूक दिसा निमतान प्रदेश भाजपा युवा मार्चोचो अध्यक्ष समीर मांद्रेकार हाणे मुरगांव भाजपा युवा मोर्चाची नवी समिती जाहीर केल्या. शिवप्रसाद महाले हांची अध्यक्ष म्हणून निवड केल्या. शांती नायक, बाबल (सौरभ) भगत (उपाध्यक्ष), पांडुरंग पाळींणकार, कांचन पुजारी (सरचिटणीस), राज हलवाई, अनिता लमाणी (सचीव) हे हेर पदाधकारी आसात. ही समिती मुरगांव मतदारसंघात भाजपा युवा मोर्चाचें काम बरे रितीन फुडें व्हरतली अशें मांद्रेकरान सांगलें.
मुरगांव मतदारसंघांल्या भाजपाच्या 30 बुथांचेर डॉ बाबासाहेब आंबेडकर हांची जंयती मनयतले तशेंच सामाजीक न्याय सप्तका निमतान 14 एप्रील मेरेन तरेकवार कार्यावळी आयोजीत करतले अशी म्हायती मुरगांवचो आमदार संकल्प आमोणकारान सांगलें. सडा हांगां आयोजीत केल्ल्या भाजपा स्थापणूक दिसा निमतान आयोजीत केल्ले कार्यावळींत ते उलयताले. ह्या वेळार समीर मांद्रेकार, मुरगांव भाजपा मंडळ अध्यक्ष संजय सातार्डेकार, डॉ धर्मेंद्र प्रभुदेसाय, नगरसेविका श्रद्धा आमोणकार, योगिता मांद्रेकार, मुऱगांवचो प्रभारी संतोष केरकार, प्रसाद प्रभुगांवकार, आदली उपनगराध्यक्ष रिमा सोनुर्लेकार हाजीर आशिल्ली.
भाजपा वावुरपी पक्षाचें काम फुडें व्हरपाक बांदल्ले आसात अशें संजय सातार्डेकारान सांगलें. 2024चे लोकसभा वेंचणुकेच्या प्रचाराची ही नांदी आसा. मुरगांव मतदारसंघांतल्यान आमच्या उमेदवाराक चडांत चड मता मेळोवन दिवपाचें काम आमी करतले अशें ताणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
