मुरगांव बंदराचेर म्हालाचे हाताळणेंत दुपेटीन वाड

भांगरभूंय | प्रतिनिधी

पणजीः फाटल्या तीन अर्थीक वर्सांत मुरगांव बंदरांत म्हालाचे हाताळणेंत बरीच वाड जाल्या. वर्स 23-24सात 20.63 मिलियन मेट्रीक टन इतलो म्हाल हाताळ्ळो. फाटल्या वर्साचे तुळेन हातूंत 2 पटीन वाड जाल्या. चडसो वांटो हातूंत कोळशाचो आसा, अशी म्हायती मुरगांव बंदर प्राधिकरण (एमपीए) हांणी दिल्या.

एमपीएच्या अहवाला प्रमाण बंदरान ह्या वर्सा 90 टक्को सुको म्हाल, 6 टक्के ओलो म्हाल आनी 5 टक्के विस्कळलेलो म्हालाची हातळणी केल्या. अर्थीक वर्स 2021-22 सात 1.83 मिलियन मेट्रीक टन, वर्स 2022-23 सात 2.78 मिलियन मेट्रीक टन आनी वर्स 2023-24 सात 1.83 मिलियन मेट्रीक टन इतलो म्हाल हाताळ्ळा.

हातूंत चड आस्पाव कोळशाचाे आसा. वर्स 2021-22 सात 1.83 मिलियन मेट्रीक टन, वर्स 2022-23 सात 2.78 मिलियन मेट्रीक टन आनी वर्स 2023-24 सात 3.74 मिलियन मेट्रीक टन इतलो थर्मल कोळसो बंदराचेर हातळ्ळा. जाल्यार, वर्स 2021-22 सात 7.53 मिलियन मेट्रीक टन, वर्स 2022-23 सात 7.44 मिलियन मेट्रीक टन आनी वर्स 2023-24 सात 6.61 मिलियन मेट्रीक टन इतलो कोकींग कोळसो बंदराचेर हातळ्ळा.

वर्स 2021-22 सात 3.55 मिलियन मेट्रीक टन, वर्स 2022-23 सात 2.28 मिलियन मेट्रीक टन आनी वर्स 2023-24 सात 5 मिलियन मेट्रीक टन लोह खनीज आनी पॅलेट म्हालाची हाताळणी जाल्या.

जाल्यार वर्स 2021-22 सात 2.97 मिलियन मेट्रीक टन, वर्स 2022-23 सात 2.94 मिलियन मेट्रीक टन आनी वर्स 2022-23 सात 3.20 मिलियन मेट्रीक टन इतलो हेर सुको म्हाल हातळ्ळा.

जाल्यार ओल्या म्हालात वर्स 2021-22 सात 0.50 मिलियन मेट्रीक टन, वर्स 2022-23 सात 0.71 मिलियन मेट्रीक टन, वर्स 2023-24 सात 0.70 मिलियन मेट्रीक टन इतलें इंधन आनी पेट्रोलियम द्रव्याची हाताळणी जाल्या.

वर्स 2021-22 सात 0.11 मिलियन मेट्रीक टन, वर्स 2022-23 सात 0.21 मिलियन मेट्रीक टन आनी वर्स 2023-24 सात 0.02 मिलियन मेट्रीक टन इतले एफआरएम द्रव्याची हातळणी जाल्या.

तशेच स्टिलांची वर्स 2021-22 सात 1.94 मिलियन मेट्रीक टन, वर्स 2022-23 सात 0.93 मिलियन मेट्रीक टन आनी वर्स 2023-24 सात 01.09 मिलियन मेट्रीक टन इतलो हातळ्ळा.

जाल्यार वर्स 2021-22 सात 0.18 मिलियन मेट्रीक टन आनी वर्स 2023-24 सात 2.97 मिलियन मेट्रीक टन इतले कंटेनर बंदरांत देंवल्यात. वर्स 2023-24 सात एकय कटेंनर जहाज बंदराचेर येवंक ना.