भांगरभूंय | प्रतिनिधी
भांगरभूंय । प्रतिनिधी
काणकोणः मुठ्ठाळ- पैंगीण हांगच्या श्री सरस्वती मंदिरीचो शिखरकलश आनी मूर्ती प्रतिश्ठापना उत्सव बुधवार 10 मे तें शुक्रार 12 मेरेन जातलो. बुधवारा सकाळीं 9 वरांचेर धर्मीक विधींक सुरवात जातली. सांजे 7 वरांचेर श्री विठ्ठल रखुमाई माऊली वारकरी मंडळ- पाळोळें हांचो हरिपाठ कार्यावळ आनी प्रसाद वितरण जातलें.
बिरेस्तार 11 मेक सकाळी धर्मीक विधी आनी सांजे राक्षोघ्नहोम उपरांत पायणेफोंड हांगच्या महालक्ष्मी भजनी मंडळ मणगण हाची भजनाची कार्यावळ जातली. शुक्रार 12 मेक सकीळी धर्मीक विधी. 8.43च्या म्हूर्तात शिखर कलस प्रतिश्ठापना आनी दनपारां म्हाप्रसाद जातलो.
सांजे 6 वरांचेर सुवासिनीं वतीन औक्षण दीप ओवाळणी, 7 वरांचेर श्रिया मनोहर टेंगसे हाचे कीर्तन जातलें. प्रतिश्ठापना सुवाळ्याक हाजीर रावपाचें आवाहन सरस्वती मंदिर वेवस्थापन समितीचो अध्यक्ष शशिकांत पागी हांणे केलां. 10 मेक दनपारां 3 वरांचेर मुठ्ठाळ, सादोळशें, मणगण, पाळोले, पाटणे, राजबाग, गालजीबाग, तळपण ह्या वाठारांत श्रीचे मूर्तीची मिरवणुक काडटले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
