भांगरभूंय | प्रतिनिधी
गोंयच्या उदरगतीच्या कामांचेर चर्चा
पणजी : दिल्ली भोंवडेर अाशिल्ले मुख्यमंत्री डॉ. प्रमोद सावंत हांणी शुक्रारा प्रधानमंत्री नरेंद्र मोदी हांची भेट घेतली. हे भेटींत दोनूय फुडाऱ्यां मदीं गोंयच्या उदरगती सयत हेर म्हत्वाच्या विशयांचेर चर्चा जाली.
गोंयांत परतून भाजपाचें सरकार स्थापन जाले उपरांत आनी सेगीत दुसरे खेपे मुख्यमंत्री जाले उपरांत डॉ. प्रमोद सावंत हांणी दिल्लींत वचून प्रधानमंत्री मोदी हांची भेट घेवपाची ही दुसरी खेपे आसा. हे भेटींत मुख्यमंत्र्यान प्रधानमंत्र्यांक गोंयांतले प्रलंबीत प्रकल्प आनी चालू आशिल्ल्या उदरगतीच्या कामांची म्हायती तशेंच कोवीड विशीं राज्यांतल्या स्थितीची म्हायती दिली.
उदरगतीच्या प्रकल्पांक नेट दिवपाक गरजेचीं सगलीं मजत केंद्र सरकारा कडल्यान मेळटली, अशी हमी नरेंद्र मोदी हांणी मुख्यमंत्र्यांक दिल्या, अशी म्हायती सुत्रां कडल्यान मेळ्ळ्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.