भांगरभूंय | प्रतिनिधी
पणजी ः राज्यांत मंत्रीमंडळ फेरबदलाचेर चर्चा चालू आसतना मुख्यमंत्री डॉ. प्रमोद सावंत हांणी आयज नवी दिल्लींत केंद्रीय गृहमंत्री अमित शाह हांची भेट घेवन वेगवेगळ्या विशयांचेर चर्चा केली. फौजदारी कायदे, खण वेवसायांतल्या नव्या घडामोडींची म्हायती केंद्रीय गृहमंत्र्यांक दिल्या अशी म्हायती मुख्यमंत्र्यांनी दिली. तशेंच राज्याचें प्रशासन आनी उदरगती विशींय अमित शाह हांचें कडल्यान मार्गदर्शन घेतिल्ल्याची म्हायती मुख्यमंत्र्यांनी दिल्या.
सभापती रमेश तवडकार हांणी बेगीनूच मंत्रीमंडळांत फेरबदल जातलो असो संकेत दिल्या उपरांत मंत्रीमंडळ फेरबदलाचेर परतून चर्चा सुरू जाल्या. डॉ. सावंत 26 मार्चाक 2025- 2026 वर्सांचो अर्थसंकल्प सादर करतले. हे फांटभूंयेर तांचे दिल्ली भेटेक म्हत्व मेळ्ळां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
