भांगरभूंय | प्रतिनिधी
पणजी ः मुख्यमंत्री डॉ. प्रमोद सावंत सध्या दिल्लींत आसात आनी केंद्रीय मंत्र्यांक आनी संस्थांक ते भेट दितात. मुख्यमंत्री केंद्रीय गृहमंत्री अमित शाह हांची भेट घेतले अशी म्हायती सूत्रांनी दिल्या.
राज्यांत मंत्रीमंडळ फेरबदल करपा विशीं चर्चा चालू आसतना मुख्यमंत्र्यांनी अचकीत दिल्ली भेट दिल्ल्यान तांच्या भेटी विशीं उत्सुकता वाडल्या. सगळ्यांत पयलीं मुख्यमंत्र्यांनी द एनर्जी अँड रिसोर्स इन्स्टिट्यूटाक (टेरी) भेट दिली. टेरी ही संस्था शेती, उर्जा, पर्यावरण ह्या मळार संशोधन करता. गोंयची शेती, पर्यावरण, आनी साधनसुविधांचो चडांत चड वापर कसो करचो हाचेर मुख्यमंत्र्यांनी टेरी अधिकाऱ्यां कडेन चर्चा केली.
ते उपरांत मुख्यमंत्री डॉ. प्रमोद सावंत हांणी केंद्रीय अवजड उद्देग मंत्री एच. डी. कुमारस्वामी हांची भेट घेतली. तांचे कडेन वेगवेगळ्या विशयांचेर चर्चा जाल्ल्याची म्हायती डॉ. सावंत हांणी दिली. हेर केंद्रीय मंत्र्यांक मेळपा वांगडाच मुख्यमंत्री गृहमंत्री शाह हांकांय मेळटले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
