भांगरभूंय | प्रतिनिधी
-लालूप्रसाद हांकां प्रत्त्युत्तर दिवपाक देशभर मोहीम
पणजी: राष्ट्रीय जतना दलाचे सर्वेसर्वा लालूप्रसाद यादव हांणी प्रधानमंत्री नरेंद मोदी हांचेर केल्ले टिकेक जाप म्हूण गोंयांतल्या भाजप फुडाऱ्यांनीय मिडिया हँडल ‘एक्स’ वयल्या बायोंत ‘मोदी का परिवार’ अशें बरोवपाक सुरवात केल्या. मुख्यमंत्री डॉ. प्रमोद सावंत, केंद्रीय मंत्री श्रीपाद नायक हांणीय बायोंत ‘मोदी का परिवार’ असो बदल केला.
पाटणांत आयतारा जाल्ले जाहीर सभेंत उलयतना लालूप्रसाद यादव हांणी मोदींचेर वैयक्तीक टिका केल्ली. प्रधानमंत्री नरेंद्र्र मोदी घराणेशायेचेर उलयतात. कारण तांचे कुटुंबच ना. तशेंच हिंदू धर्म शास्त्रा प्रमाण अावयच्या मरणा उपरांत मुंडन करतात. पूण मोदी हांणी ते करूंक ना. ताका लागून ते हिंदूय नात, अशेंय लालूप्रसाद यादव हांणी म्हणिल्लें. ताका जाप दितना प्रधानमंत्री मोदी हांणी म्हजे खातीर पुराय देश परिवार आसा, अशें सोमारा तेलंगणांतल्या सभेंत उलयतना सांगलें. ते उपरांत भाजपाच्या ज्येश्ठ फुडाऱ्यांनी सोशल मिडियाचेर ‘मोदी का परिवार’ ही मोहीम रोबोवपाक सुरवात केल्या. केंद्रीय मंत्री नितीन गडकरी, गृह मंत्री अमीत शाह, भाजपाध्यक्ष जे. पी. नड्डा, पियुष गोयल हांचे सयत हेर जायत्या फुडाऱ्यांनी बायोंत बदल केल्यात. तेच प्रमाण सोमारा मुख्यमंत्री डॉ. प्रमोद सावंत, केंद्रीय मंत्री श्रीपाद नायक हांचे सयत राज्यांतल्या हेर कांय भाजप फुडाऱ्यांनी बायो बदलल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
