भांगरभूंय | प्रतिनिधी
पणजीः दर्जेदार शिक्षणा संबंदी मुख्यमंत्री डॉ. सावंत हे पयली ते आठवी मेरेनचे विद्यार्थी आनी शिक्षकां कडेन 12 जुलयाक सकाळीं 11 वरांचेर ‘वर्च्युअल’ संवाद सादतले. शिक्षण संचालकांन तशें परिपत्रक जारी केलां.
हे कार्यावळींत मुख्याध्यापक, शिक्षक आनी विद्यार्थ्यांक मुख्यमंत्र्या कडेन संवाद सादपाची संद मेळटली. शाळा आनी म्हाविद्यालयांनी वर्च्युअल संवाद सादपा खातीर गरजेची वेवस्था करची अशें शिक्षण संचालक शैलेश झिंगडे हांणी परिपत्रक जारी केलां. संवाद सादपी कार्यावळीची लिंक एक दीस आदींच धाडटले. सरकारान फाटल्या वर्सा पयली ते आठवी वर्गा मेरेन मूल्यांचेर आदारिल्लो शिक्षणीक उपक्रम सुरू केला. ह्या उपक्रमाचो नियाळ मुख्यमंत्री ह्या संवादांतल्यान घेतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
