भांगरभूंय | प्रतिनिधी
मडगांवः ‘मुख्यमंत्री देवदर्शन यात्रा’ येवजणे खाला दुसरी खाशेली ट्रेन मडगांव स्टेशनांतल्यान अयोध्याक वचपाक भायर सरली. राज्यांतल्यान वट्ट 1400 भक्त हातूंत आसा. उपरांत आनीक दोन ट्रेनी अयोध्येक वतल्यो.
सोमारा दनपारां 2 वरांचेर मडगांवच्यान रेल्वेक पांचवो बावटो दाखयलो. दक्षीण गोंयचे भक्त मडगांवच्यान, जाल्यार उत्तर गोंयचे भक्त थिवी स्टेशनावेल्यान रेल्वेंत बसले. ह्या वेळार आमदार दाजी साळकार, आमदार संकल्प आमोणकार, आमदार उल्हास तुयेकार आनी आमदार तशेंच जीटीडीसीचे अध्यक्ष केदार नायक हाजीर आशिल्ले. मुख्यमंत्री डॉ. प्रमोद सावंत हांची मान्यताय मेळ्ळे उपरांत अंदूं ‘मुख्यमंत्री देवदर्शन यात्रा’ येवजणेची नवी सुरवात जाल्या. ह्या वर्साची पयली ट्रेन वेलांकिनी सायबिनीच्या दर्शना खातीर गेली, जाल्यार आतां दुसरी ट्रेन अयोध्येच्या राम देवळांतल्या श्री रामाच्या दर्शना खातीर भायर सरल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
