भांगरभूंय | प्रतिनिधी
बेगिनूच राष्ट्रय फुडारी म्हूण पर्जळटलेः राज्यपाल-पद्मिनी यादस्तीक साई नर्सीग इन्स्टिट्यूट इमारतीचें उक्तावणदिवचलः मुख्यमंत्री डॉ. प्रमोद सावंत हांकां लोकांची व्हड साथ लाबिल्ल्यान आयज तांणी येसाची तेगशी गांठल्या. तांची दूरदृश्टी आनी सेवाभाव व्हड आसा. गोंयांत आदर्श फुडारी म्हूण काम करतना तांची कार्यक्षमता लक्षांत घेतल्यार ते बेगिनूच राष्ट्रीय फुडारी म्हूण व्हड कामगिरी करतले. साई नर्सींग संस्थेच्या माध्यमांतल्यान तांणी केल्लें कार्य प्रेरणादायी आशिल्ल्याचे राज्यपाल पी. एस. श्रीधरन पिल्लई हांणी सांगलें.
निर्मितीचाे ध्यास घेतल्यार समाजांत व्हड बदल घडोवपाक मेळटा. जायत्या जाणांचें योगदान आशिल्ल्यान आयज भारत व्हड शक्त म्हूण मुखार आयला, अशें राज्यपालांनी म्हणलें. भारत देश संवसारांत एक नंबरची अर्थीक सुबत्ता निर्माण करपी देश जातलो, अशेंय तांणी सांगलें.
साई नर्सींग इन्स्टिट्यूटच्या सांखळेंतल्या पद्मिनी यादस्तीक साई नर्सींग इन्स्टिट्यूट इमारतीचें राज्यपाल पी. एस. श्रीधरन पिल्लई हृांचे हस्तुकीं उक्तावण जाले.
ह्या वेळार मुख्यमंत्री डॉ. प्रमोद सावंत, केंद्रीय मंत्री श्रीपाद नायक, खासदार सदानंद तानावडे, साई नर्सींगचे उपाध्यक्ष आमदार डॉ. चंद्रकांत शेट्ये, आमदार प्रेमेंद्र शेट, नगराध्यक्ष सिद्धी प्रभू, पांडुरंग सावंत, आनी हेर मानेस्त हजर आशिल्ले.
ह्या वेळार मुख्यमंत्री डॉ. सावंत हांणी सांगलें, आयज आपल्या मनाक खोस जाता. कुशळ, समृद्ध समाज हे ध्येय आसा. आवय-बापायच्या प्रेरणेन आपूण राजकीय गुरू पर्रीकार हांच्या सहकार्यान विवीध सामाजीक आनी राजकी क्षेत्रांत म्हजे व्हीजन पुराय करपा खातीर सगल्यांनी सहकार्य दिले. ताका लागूनच आयज व्हड सपन पुराय जाले. दोतोरकी पुराय केले उपरांत विवीध क्षेत्रांत कुशळटाय विकसीत करून जायत्या जाणांक संद मेळची हे खातीर जायते अभ्यासक्रम सुरू केले. लोकांचे सहकार्य लाबिल्ल्यान आयज व्हड वास्तू उबी जाल्या. राज्यांत फिजियो थेरपी नेचरो खातीर हॉस्पिटल सुरू केले. कुशळटाय विकसीत केल्ल्या विद्यार्थ्यांक देश-विदेशांत शंबर टक्के रोजगार उपलब्ध करपाचो ध्यास आसा, अशें तांणी म्हणलें.
स. सौ. पद्मिनी सावंत हांच्या यादस्तीक राज्यपालांनी फुलांहार अोंपलो. ह्या वेळार मुख्यमंत्री डॉ. सावंत हांचे बापूय पांडुरंग सावंत हांचो राज्यपाल हांचे हस्तुकीं भोवमान केलो. ह्या वेळार साई नर्सींग इमारती खातीर सहकार्य केल्ल्या मानेस्तांचोय भोवमान केलो.
केंद्रीय मंत्री श्रीपाद नायक हांणी समाजांतल्या दुर्लक्षीत घटक आनी जायत्या जाणांक साई नर्सींगच्या माध्यमांतल्यान आत्मनिर्भर आनी स्वयंपूर्णते खातीर सुरू आशिल्ली धडपड ही गोंयची एक आदर्श संस्था जाल्या. भलायकी क्षेत्रांत कुशळटाय विकसीत करतना जायते नवे अभ्यासक्रम सुरू करून व्हड आदार दिला. भालायकी खूब म्हत्वाची आसून ते खातीर डॉ. प्रमोद सावंत हांचे तांणी अभिनंदन केले.
खासदार सदानंद तानावडे हांणी, मुख्यमंत्री डॉ. प्रमोद सावंत हांच्या दूरदृश्टीन सुसज्ज संस्था उबारून अायज शिक्षणीक क्षेत्रांत व्हड योगदान दिलां. रोजगार उपलब्ध करून रोजगाराची पुरवण करतना जायते विभाग सुरू करून योगदान दिलां. तातूंत दरेकांक रोजगार उपलब्ध जायत आसा, अशें तानावडे हांणी सांगलें.
येवकाराच्या उलोवपांत पांडुरंग कुट्ट्रीकार हांणी शिक्षण क्षेत्रांतली एक अग्रणी संस्था म्हणून नामनेक पाविल्ल्या ह्या आंतरराष्ट्रीय साधन-सुविधांनी युक्त अशी व्हड इमारत सांखळेच्या शिक्षणीक विभागांत एक उंचाय गांठपी आसा, अशें सांगलें.
सुत्रसंचलन गोविंद भगत हांणी जाल्यार उपकार डॉ. चंद्रकांत शेट्ये हांणी मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
