भांगरभूंय | प्रतिनिधी
पणजी: मुख्यमंत्री डॉ. प्रमोद सावंंत हे जीएसटी बसके खातीर मंगळारा रातीं दिल्लीक गेले. जीएसटी बसकेक हाजेरी लावपा सयत मुख्यमंत्री प्रधानमंत्री नरेंद्र मोदी हांची भेट घेवपाचे आसात. 20 आनी 21 ऑगस्ट अशे दोन दीस जीएसटी मंडळाची बसका जातली.
जीएसटी बसके खातीर हांव दिल्लीक वतां. प्रधानमंत्री नरेंद्र मोदी हांचे भेटीची वेळ थारल्या अशें मुख्यमंत्री डॉ. प्रमोद सावंत हांणी दिल्ली वच्चे पयलीं सांगलें. आमदार मायकल लोबो हांणी मुख्यमंत्री डॉ. प्रमोद सावंत हांची दिल्ली वच्चे पयली भेट घेतली. एसटी समाजाच्या फुडाऱ्याक मंत्रीपद मेळपाक जाय, अशें मत मायकल लोबो हांणी भेट घेतले उपरांत उक्तायलें. मंत्रीमंडळ फेरबदला विशीं उलोवपाक मुख्यमंत्री डॉ. प्रमोद सावंत हांणी न्हयकार दिलो. जीएसटी बसके खातीर दिल्ली भेट आसा अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
