भांगरभूंय | प्रतिनिधी
पणजी: कुशळटाय, उदरगत आनी उद्देजकताय संचालनालयान (DSDE) मुख्यमंत्री कुशळटाय पथ (CMKPS) येवजणे खाला प्रशिक्षकांचो एक ग्रुप (instructor pool) तयार करपाक अर्ज मागयल्यात. ह्या प्रशिक्षकांक दर वराच्या दरान मानधनाचेर नियुक्त करतले आनी तांकां ५ दीस ते ६ म्हयन्यां मेरेनचे विवीध अल्प-मुदतीचे अभ्यासक्रम शिकोवपाची संद मेळटली.
ह्या अभ्यासक्रमांत फायबर स्लायसिंग, रोबोटिक्स, बेकरी, ब्युटिशियन प्रशिक्षण, आर्टिफिशियल इंटेलिजन्स, थ्रीडी प्रिंटिंग, हॉटेल मॅनेजमेंट, सुरक्षा प्रशिक्षण आनी डिजिटल मार्केटिंग अश्या विवीध मळांचो आसपाव आसा.
ह्या पदां खातीर आयटीआय, डिप्लोमा, डिग्री वा पद्वीधर उमेदवार अर्ज करपाक पात्र आसात. इत्सूक उमेदवार ३० सप्टेंबर २०२५ मेरेन पणजेच्या पत्तो, डीएसडीई कार्यालयांत सरळ अर्ज सादर करू शकतात वा cmkps.dsdegoa.gov.in हे ईमेल आयडीचेर आपले अर्ज धाडपाक शकतात
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
