भांगरभूंय | प्रतिनिधी
‘एएवाय’ कार्ड धारकांक म्हयन्याक सिलिंडराचेर मेळटा 275 रुपया अनुदानपणजीः नागरी पुरवण खात्यान चालीक लायिल्ल्या ‘मुख्यमंत्री एलपीजी गॅस सिलिंडर येवजणेचो’ काळ 2025-26 वित्तीय वर्सा खातीर वाडयला. हे विशीं खात्यान अधिसुचोवणीय जारी केल्या.
गॅस सिलिंडरांचे दर वाडले उपरांत राज्य सरकारान फाटल्या वर्सा मुख्यमंत्री एलपीजी गॅस सिलिंडर येवजण सुरू करून गोंयांतल्या ‘एएवाय’ रेशन कार्ड आशिल्ल्या कुटुंबांक थाकाय मेळोवन दिल्या. तशेंच येवजण चालीक लावपाची जापसालदारकी नागरी पुरवण खात्या कडेन दिली. हे येवजणे खाला ‘एएवाय’ रेशन कार्डधारकांक दर म्हयन्याक सिलिंडरांचेर 275 रुपया अनुदान दितात. अशे कार्ड आशिल्ल्या राज्यांतल्या हजारांनी कुटुंबां हे येवजणेचो लाव घेतात. आतां सरकारान हे येवजणेचो काळ एक वर्स वाडयला.
मजगतीं, राज्य सरकारान मुख्यमंत्री एलपीजी गॅस सिलिंडर येवजणेची अधिसुचोवणी जारी केले उपरांत कांय दिसां भितर केंद्र सरकारान घरगुती सिलिंडरांचे दर 200 रुपया उणे केल्ले. देखून ‘एएवाय’ रेशन कार्डधारकांक दर सिलिंडरा फाटल्यान 475 रुपया फायदो मेळ्ळो. अशें आसून लेगीत सुरवेक ‘एएवाय’ रेशन कार्डधारकां कडल्यान 275 रुपया अनुदाना खातीर व्हडलोसो प्रतिसाद मेळ्ळो ना. उपरांत खात्यान केल्ल्या जागृताय मोहिमेक लागून हे येवजणेक प्रतिसाद वाडिल्ल्याचे दिसून आयलें
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
