भांगरभूंय | प्रतिनिधी
मुंबय, खबरां संस्था: मुंबयच्या विरार वाठारांत काल चार माळयेची इमारत कोसळ्ळी. वाडदीस आशिल्ल्या १ वर्सां पिरायेच्या सनुल्या सयत तिचे आवयकू मरण आयलें. सद्या हे घडणुकेंत मरण आयिल्ल्यांचो आंकडो १५ वयर पावला. आनीक लोक राशी पोंदां आडकून उरिल्ल्याचो अदमास आसा. मरण आयिल्ल्यांचो आंकडो आनीक वाडपाची शक्यताय आसा.
नारंगी फांटो वाठारांतल्या रमाबाई अपार्टमेंट हे इमारतीचो रातीं उसरां एक भाग कोसळ्ळो.
इमारतीचे वण्टींक वेरो गेल्ल्यो
थळाव्या लोकांच्या म्हणण्या प्रमाण ही इमारत सामकी पोरनी आशिल्ली. तिच्या वण्टींक वेरो गेल्ल्यो. सेगीत पावस झडिल्ल्यान वेरो रुंद जाल्ल्यो. परत परत सांगून लेगीत दुरुस्ती जावंक नाशिल्ली. हाकाच लागून हो अपघात जालो. पालिका म्हामंडळान ही १० वर्सां पोरणी इमारत आनी धोक्याची थारायिल्ली. हे संबंदी पालिका म्हामंडळान तांकां जायते फावट नोटीस जारी केल्ली. पूण ते उपरांत लेगीत नागरिकांनी ही इमारत रिती करूंक नाशिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
