भांगरभूंय | प्रतिनिधी
मुंबय, खबरां संस्था: फाटल्या कांय वर्सां सावन मुंबय वाडिल्ली येरादारी समस्या पळोवन खुबश्या जाणांनी रेल्वेंतल्यान प्रवास करचें थारायलां. असल्या ह्या शारांच्या चडश्या भागांनी रेल्वे मार्गाचो आसपाव करून शार आनी उपनगरां जोडल्यांत. हेच मुंबय लोकलचेर आतां शुक्रार-शेनवार ब्लॉक घेतले.
मुंबई – CSMT च्या प्लॅटफॉर्म विस्तारीकरणा खातीर मध्य रेल्वे वतीन दोन दीस म्हळ्यार शुक्रार- शेनवारा मजगतीं रातचे ब्लॉक आसतलें. रेल्वे विशेष येरादारी आनी पॉवर ब्लॉक घेतली. मजगतीं शुक्रारा रातचें लोकल सयत मेल-एक्सप्रेसचे येरादारींत कांय बदल जातलो. शेनवाराय लोकल सेवेचेर परिणाम दिसतलो. रातच्या १२.३० उपरांत भायखळा ते सीएसएमटी आनी वडाळा रोड ते सीएसएमटी मजगतींची रेल्वेसेवा सकाळीं ४.३० वरां मेरेन बंद उरतली.
पश्चीम रेल्वेंतूय हेंच चित्र
मध्य रेल्वे प्रमाण, पश्चीम रेल्वेचेरूय अशीच परिस्थिती आसतली. चर्चगेट ते मरीन लाईन्स मजगतीं वानखेडे उड्डाणपुलाचे उत्तरेच्या मुखेल गर्डरच्या कामा खातीर शेनवारा रातीं १ जावन १० मिनिटां सावन सकाळीं ४ जावन १० मिनिटां मेरेन तीन वरांचो ब्लॉक आसतलो. हाका लागून कांय रेल्वेंच्या वेळार परिणम जातलो.
रेल्वे गाडयांनी बदल?
रेल्वेच्या ब्लॉकाक लागून चड अंतरांच्या रेल्वे येरादारीचेर परिणाम जातलो. ह्या ब्लॉकाक लागून रेल्वे क्रमांक १२५०२ मडगांव-सीएसएमटी जनशताब्दी एक्स्प्रेस, २२१२० मडगांव-सीएसएमटी तेजस एक्स्प्रेस, ११०५८ अमृतसर-सीएसएमटी एक्स्प्रेस, ११०२० भुवनेश्वर-मुंबय कोणार्क एक्स्प्रेस, १२८१० हावडा-सीएसएमटी मेल जाल्यार सीएसएमटी स्टेशना वयल्यान कल्याणचे दिकेन रातच्या ९ जावन ५४ मिनिटांनी सुटपी लोकल आनी कल्याण स्टेशना वयल्यान CSMT सुटपी ११.०५ ची लोकल रद्द जातली
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
