भांगरभूंय | प्रतिनिधी
नवी दिल्ली, खबरां संस्था: मुंबयच्या २००६ वर्सा जाल्ल्या सांखळी बॉम्ब स्फोटा प्रकरणांत मुंबय उच्च न्यायालयाच्या निकालाचेर सर्वोच्च न्यायालयान स्थगिती दिल्या. फकत दोन दिसां आदीं उच्च न्यायालयान २१ जुलयाक दिल्ल्या निकालांत १२ आरोपींक निरपराधी थारायल्ले. महाराष्ट्र सरकारान ताका सर्वोच्च न्यायालयांत आव्हान दिल्लें. राज्य सरकारा वतीन महाधिवक्ते तुषार मेहता हांणी बाजू मांडली.
२००६ वर्सा मुंबयत लोकल ट्रेनींत जाल्ल्या सांखळी बॉम्बस्फोटांत खुबश्या निश्पाप नागरिकांक मरण आयिल्लें. ह्या प्रकरणांत खुबश्या जाणांक दोशी थारायिल्ले. मुंबय उच्च न्यायालयान सगल्यांक निरपराधी थारायल्ले. महाराष्ट्र सरकारान ताचे आड सर्वोच्च न्यायालयांत याचिका दाखल केल्ली. ताचे आड महाराष्ट्र सरकारान सर्वोच्च न्यायालयांत याचिका दाखल केल्ली. तुषार मेहता हांणी बाजू मांडटना, जरी दोशींक निर्दोश थारावन तांकां बंखणींतल्यान भायर सोडले तरी तांकां बंदखणींत परत हाडपाचो प्रस्न ना. मात ह्या निर्णयाचो परिणाम हेर मकोका खटल्यांचेर जावपाक शकता. हो निर्णय हेर खटल्यांनी वापरतले आनी हाचो फटको पुलीस तपास आनी हेर यंत्रणांक बसपाक शकता. हाका लागून सुप्रीम कोर्टान सध्या हायकोर्टाच्या निर्णयाक स्थगिती दिल्या. जरी निर्णयाक स्थगिती दिल्या तरी जे सगले ११ आरोपी, (१ मरण आयिल्लो) हांकां जेलींतल्यान भायर सोडलां, तांकां परत जेलींत धाडचे ना.
सर्वोच्च न्यायालयान नोटीस जारी केली
सगल्या प्रतिवादींक सोडल्यात आनी हाका लागून तांकां परत बंदखणींत हाडपाचो प्रस्नूच येना. तशेंच कायद्याच्या प्रस्नाचेर आमी अशें म्हणुया, वादग्रस्त निकालाक हेर खंयच्याच प्रकरणांनी पूर्वग्रह म्हणून मानीना. म्हणून त्या प्रमाणांत वादग्रस्त निकालाचेर स्थगिती दिवची, अशें कोर्टान नमूद केलें. उच्च न्यायालयाच्या निर्णया आड महाराष्ट्र सरकारन दाखल केल्ले याचिकेचेर सर्वोच्च न्यायालयान नोटीस जारी केल्या. ह्या खटल्यांत सर्वोच्च न्यायालयान उच्च न्यायालयाच्या निर्णयाचेर तात्पुरती स्थगिती दिल्या. कोर्टान स्पश्टपणान सांगलें, जे आरोपी ह्या प्रकरणांत आदींच निर्दोषश थारल्यात आनी आतां जामिनाचेर वा मुक्त जाल्यात, तांकां परत बंदखणींत धाडचेना. सध्या ह्या प्रकरणांतले फुडले सुनावणे वाट पळयतां. सर्वोच्च न्यायालयाने संबंदीत सगल्या पक्षकारांक नोटीस धाडून आपली बाजू मांडपाक सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
