भांगरभूंय | प्रतिनिधी
मुंबय, खबरां संस्था: मुंबय एके बायल दोतोराचेर बलात्कार करपाची घडणूक घडली. पुलिसांनी दुबावीताक रोखडीच अटक केली. पिडेस्त बायलेन हे विशीं स्वता पुलीस स्टेशनांत कागाळ केल्ली. कागाळी प्रमाण, दुबावीतान बलात्कार करून तिचे फोटो आनी व्हिडीओ व्हायरल करपाची धमकी दिली आनी ब्लॅकमेल करून पयशे घेतले. इतलें करूनय ताणें आनीक पयशांची मागणी केली.
पुलिसांनी दिल्ले म्हायती प्रमाण, एका क्लबांत बॅडमिंटन खेळटना, दुबावीत आनी बायलेची वळख, मागीर इश्टागतूय जाली.
ही बायल लग्न जाल्ल्यान कांय घरगुती कारणांक लागून ती घरकारा सयत रावनाशिल्ली. ती त्या घरांत एकटीच रावताली. हे विशीं कितेंय उपाय काडपाच्या निमतान दुबावीतान ते बायलेक मेळपाक आपयली. ती दोगांय मेळ्ळी. उपरांत ताणें ते बायलेक वायन दिवन, तातूंत कितें तरी घालें. ती बायल बेशुद्ध पडली. हाचो गैरफायदो घेवन ताणें ते बायलेचेर बलात्कार केलो.
हे घडणुके उपरांत ताणें बायले कडेन पयशे मागपाक सुरवात केली. तिणें पयशे दिवपाक न्हयकार दिलो तेन्ना फोटो आनी व्हिडीओ व्हायरल करपाची धमकी दिली. धमकी दिवन ते बायले कडल्यान लाखांनी रुपया घेतले. पूण हें चुकीचें आशिल्ल्याचें बायलेक दिसलें आनी तिणें पुलिसांत कागाळ केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
