भांगरभूंय | प्रतिनिधी
मुंबय: एके पांच वर्सां पिरायेचे चलयेक वेळार न्हिदना म्हणून बापायन तिचे पांय बांदून मारपेट केलो. उपरांत सिगरेटीचे चटके दिवपाची घडणूक घडली. ह्या प्रकरणांत बापायचेर गुन्यांव दाखल केला.
ही घडणूक जेन्ना आरोपीचे घरकान्नीन कागाळदाराक व्हिडियो धाडलो तेन्ना उक्ताडार आयली. त्या व्हिडियो वरवीं आरोपी आपले धुवेक मारपेट केल्ल्याचें आनी तिच्या पोल्यांचेर सिगरेटीचे चटके लायतना स्पश्ट जालें.
व्हिडियो पळोवन भियेल्लो कागाळदार रोखडोच मानखुर्द पुलीस स्टेशनांत गेलो. पुलिसांक व्हिडियो दाखयत हस्तक्षेप करपाची ताणें मागणी केली. कागाळदारा वांगडा एके बायल पुलीस अधिकार्यान रोखडीच आरोपीच्या घरा भेट दिली आनी ताका जाब विचारलो.
चवकशे मजगतीं चलयेन सांगलें, आपल्या बापायन वेळार न्हिदना म्हणून आपलो छळ केलो. पुलिसांनी रोखडीच कारवाय करून आरोपी बापायचेर गुन्यांव दाखल केलो. चलयेचे सुरक्षीतताये खातीर सगळे गरजेचे उपाय करतात अशें पुलिसांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
