भांगरभूंय | प्रतिनिधी
मुंबय, खबरां संस्था: मुंंबय -गोंय म्हामार्गार एक भिरांकूळ घडणूक घडली. ह्या मार्गार धांवपी खाजगी बसीक उजो लागलो. ह्या उज्यांत बसी सयत प्रवास करपी सगळ्या ३४ प्रवाश्यांचें सामान हुलपून गोबोर जालें. मात कोणाक कांय जावंक ना.
हे विशीं चड म्हायती प्रमाण, ही बस मुंबयच्या जोगेश्वरीच्यान मालवणां वताली. बसींत ३४ प्रवासी आशिल्ले. कोलाडच्या कोकण रेल्वे पुला लागसार बसीच्या फाटले वटेन स्फोट जालो. तेन्ना बस चालकान गाडी थारावन पळयल्यार, बसीच्या फाटल्या टायराक उजो लागिल्लो. उजो लागिल्ल्याचें समजतांच बेगोबेग प्रवाशांक बसींतल्यान सकयल देंवोवन बस खाली केली. उपरांत रोखडोच बसीन पेट घेतलो. हे विशीं खबर मेळटांच उजो पालोवपी दळ आनी रेस्न्यू टीम थंय पावली. तांणी हो उजो पालयलो. मात ह्या उज्यांत बस आनी प्रवाशांचें सगळें सामान हुलपून गोबोर जालें.
बसीक मदींच उजो लागिल्ल्याचें नेमकें कारण कितें हें आजूनय कळूंक ना. मात हे घडणुकेंतल्यान ३४ प्रवासी वाटवले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
