भांगरभूंय | प्रतिनिधी
कोंकण लेनींतलो बोगदो ऑगस्टाच्या निमाणे मेरेन येरादारी खातीर उक्तो
अलीबाग, खबरां संस्था: मुंबय-गोंय म्हामार्गाचेर आशिल्ल्या काशेडी बोगद्यांत उदकाची गळती जाल्या. ती थांबोवपा खातीर बेगोबेग काम हातांत घेतलां. हे खातीर आयआयटी तंत्रज्ञांचो आदार घेतले.
काशेडी घांटाक पर्याय म्हणून मुंबय- गोंय म्हामार्गाचेर बोगदे बांदल्यात. ताका लागून पोलादपूर ते खेड मेरेनचें अंतर २० मिनटांनी पुराय करप शक्य जालां. कोंकणांत वचपी आनी मुंबय येवपी पर्यटकांक हो मार्ग बर्याक पडला. पूण पावस सुरू जाले उपरांत बोगद्याक गळती लागिल्ल्याचें दिसून आयलें. जायत्या सुवातींनी उदकाचे फव्वारे निर्माण जाल्यात. पावसाचें प्रमाण वाडटा तशे फवारे व्हड जावपाक लागल्यात. ही गळती कशी थांबोवची असो प्रस्न म्हामार्ग खात्याक पडला. पावसाचें उदक सकयल आशिल्ल्या वाहनांचेर पडचें न्हय म्हणून पंप लावन तें भायर काडटात. ही तात्पुरती वेवस्था जरी केल्या तरी हाचेर उपाय करप गरजेचें आसा.
राष्ट्रीय महामार्ग वरिश्ठ अधिकार्यांनी बोगद्याची पळोवणी केली. आयआयटी तज्ञांचो पंगडूय तांचे वांगडा आशिल्लो. सध्या ग्रावटींग करून गळती थांबवपाचे यत्न सुरू आसात.
राष्ट्रीय म्हामार्ग खातें
मुंबय- गोंय म्हामार्गाचेर काशेडी कोंकण लेनींतलो बोगदो ऑगस्टाच्या निमाणे मेरेन येरादारी खातीर उक्तो जातलो. कोंकण सावन मुंबय मेरेनचो बोगदो सध्या ड्युअल ट्रॅफिका खातीर वापरतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
