भांगरभूंय | प्रतिनिधी
अलिबाग, खबरां संस्था: रायगड जिल्ह्यांत सुरू आशिल्लो घोग्यांनी पावसाचो फटको मुंबय-गोंय महामार्गाकय बसला. महामार्गाचेर जायते कडेन पावसाचें उदक सांठून उरिल्ल्यान येरादारीक आडखळ निर्माण जाल्या. माणगाव लागसारच्या महामार्गार धिपर भर उदक सांठून उरिल्ल्यान येरादारी विस्कळ्ळ्या.
मुंबय-गोंय महामार्गावेली अवस्था बेगीन सुटावी जातली अशीं चिन्ना आजून दिसनात. रायगज जिल्ह्याच्या दक्षीण वाठारांत घोग्यांनी पावस सुरू आसा. सोमारा सांजेवेळार सावन आदलें माणगांव वाठारांत मुंबय-गोंय महामार्गाचेर धिपरां मेरेन उदक व्हावतालें. हाका लागून हुंवाराची स्थिती निर्माण जाल्ली. उदकांतल्यान वाट काडीत वाहनां ल्हव-ल्हव मुखार सरतालीं. रस्त्या कुशीकच्या घरांनीय उदक घुशिल्लें. २००५ वर्सा हांगा अशी स्थिती निर्माण जाल्ली. ताचे उपरांत अंदूं तशी स्थिती पळोवपाक मेळटा अशें थळाव्यांनी सांगलें.
मुंब-गोंय महामार्गाच्या चारपदरी रस्त्याचें काम सध्या सुरू आसा. माणगांव आनी इंदापूरच्या बाह्यवळण रस्त्यांचीं कामां आडखळ्ळ्यांत. ठेकेदार बदलून तीं पुराय करपाचो निर्णय राष्ट्रीय महामार्ग बांदकाम विभागान घेतला तरी भितरल्या रस्त्यांचीं कामां पुराय जावपाक देड ते दोन वर्सां लागपाची शक्यताय आसा. हाका लागून माणगाव वाठारांत सेगीत येरादारी कोयंडी जातना दिसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
