भांगरभूंय | प्रतिनिधी
एकल्याक अटक; दुसरो दुबावीत फरारी
मुंबय, खबरां संस्था : देशांत सगळ्यांत चड सुरक्षीत आशिल्ल्या शारां मदीं आस्पाव आशिल्लें मुंबय हें शार सध्या असुरक्षीत जायत चल्लां काय? फाटल्या कांय सप्तकांनी ह्या शारांत जावपी घडणुको पळोवन अशेंच दिसता. मुंबयच्या मुलूंड वाठारांत आंगार कांटो हाडपा सारकी एक गजाल घडली. एके १५ वर्सां पिरायेचे चलयेचेर सामुहीक बलात्कार जाला. ह्या आरोपा खाला एकल्याक अटक केल्या.
पुलिसांनी दिल्ले चड म्हायती प्रमाण, सुर्याचो भंय दाखोवन, तशेंच आवयक मारून उडोवपाची धमकी दिवन चलयेचेर बलात्कार जालो. पुलिसांनी पॉक्सो कायद्या खाला गुन्यांव दाखल केला. ह्या प्रकरणांत पुलिसांनी २१ वर्सां पिरायेच्या तरणाट्याक अटक केल्या. जाल्यार दुसर्या दुबावीताच्या सोदांत पुलिसांचो पंगड दुसर्या राज्यांत गेला. गुंगीचें वखद दिवन लैंगीक अत्याचार केल्ल्याचें एफआयआरांत नमूद केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
