भांगरभूंय | प्रतिनिधी
सावर्डे: मिराबाग-सावर्डेंचे जुवारी न्हंयेचेर प्रस्तावीत आशिल्ल्या धरणाच्या प्रकल्पा आड थळाव्यांनी आक्रमक भुमिका घेतल्या. ते सांवड्डें ग्रामपंचायतीचेर पावले. हांगा व्हडा संख्येन जमिल्ल्या ग्रामस्थांनी पंचायत कार्यालयाक घेराव घालून ह्या प्रकल्पाचो खर निशेध केलो. ह्या प्रकल्पाक लागून पर्यावरणाचें लुकसाण जावपाची आनी थळाव्यांच्या पोटार आड येवपाचो भंय आंदोलकांनी उक्तायला.
प्रकल्प रद्द करपाचे मागणे खातीर निदर्शकांनी नेटान घोशणां केल्यो. खंयचोय निर्णय घेवचे पयलीं थळावे जनतेक विस्वासांत घेवचें आनी प्रकल्पांत पारदर्शकताय आसची, अशी आग्रो करपी मागणी ह्या वेळार केली. ग्रामपंचायतीन जनतेच्यो भावना लक्षांत घेवन ह्या प्रकल्पाचो परत विचार करचो, अशी शिटकावणीय आंदोलकांनी दिली. ह्या आंदोलनाक लागून वाठारांत ताणाचें वातावरण निर्माण जाल्ल्यान, प्रशासनान आजूनय हाचेर सविस्तर प्रतिक्रिया दिवंक ना. मात, ग्रामस्थांनी आपलो विरोध कायम दवरपाचो निर्धार केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
