भांगरभूंय | प्रतिनिधी
पणजीः इन्स्टिट्यूट मिनेझीस ब्रागांझा (आयएमबी) हांणी 23 ऑक्टोबर सावन पोर्ट्रेट पेंटिंग कार्यशाळा सुरू केल्या आनी ती 3 नोव्हेंबर मेरेन चालू उरतली. आयएमबीचे अध्यक्ष दशरथ परब, वांगडी सचीव अशोक परब, नामनेचे चित्रकार संजय हरमलकर हांचे हाजिरेंत हे कार्यशाळेचें उक्तावण जालें. कार्यशाळेंत संजय हरमलकार हांणी वरिश्ठ तबलावादक पंडित तुळशीदास नावेलकार, फुटबॉल खेळगडो ब्रूनो कुतिन्हो, वरिश्ठ स्वातंत्र्य झुजारी दाद देसाय (स्वतंत्र्य सैनिक संघटनेचो अध्यक्ष) हांकां आदर्श म्हणून वापरले आनी आदले मुख्यमंत्री रवी नायक आनी दिग्गज तबला गुरू पंडित प्रभाकर च्यारी हांच्या फोटों वयल्यान चित्रां तयार केलीं. दीपक च्यारी हांणी वरिश्ठ लेखक कमलाकर म्हाळशी, वरिश्ठ तबलावादक पंडित उल्हास वेलिंगकार आनी नाट्य कलाकार महादेव परब, आदले आमदार आनी नामनेचे लेखक विष्णू सूर्य वाघ हांचो तांच्या फोटों वयल्यान चित्रां काडल्यात.
कला महाविद्यालयाचे विद्यार्थी अमोघ मिलिंद सावंत (कोरगांव) आनी मैत्रेय राजकुमार साळगांवकार (वजरी) संजय हरमलकार हांचे कडल्यान मार्गदर्शन घेतात. कार्यशाळेंत तांणीय कांय लक्षवेधी पोर्ट्रेट
तयार केल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
