भांगरभूंय | प्रतिनिधी
देशभरांतल्या मिनी डिलरां कडेन बुकींग सुरू
मुंबय, खबरां संस्था: नवे मिनी फॅमिलीक भारतांत नवें घर मेळ्ळां, आधुनीक, डिजिटल आनी अचूक अशी मिनी कूपर एस आनी ऑल इलेक्ट्रीक मिनी कंट्रीमॅन मोटार लाँच जाली. मिनी फॅमिलीच्या साध्यापणा सयत ह्यो मोटारी भारतांत पदार्पण करतात. बिल्ट-अप युनिट (सीबीयू) अशे तरेन गाडयो मेळटल्यो. देशभरांतल्या सगल्या अधिकृत मिनी डिलरांकडेन ह्यो गाडयो बुक करूं येतात. तशेंच shop.mini. in चेरूय गाडयो बुक करपाक मेळटात. सप्टेंबर २०२४ सावन गाडयांचे डिलिव्हरीक सुरवात जातली.
अर्बन ड्रायव्हिंगाची मजा दिवपी नव्या मिनी कूपर एसाचो हो पांचवो जनरेशन. मिनिमालिस्टिक अश्टतासी अशी ऍडव्हेंचर्सा खातीर ह्यो गाडयो पयलीं परस व्हड, लांब आनी उंच आसा. मिनी कूपराचे दायज फुडें व्हरतना ह्यो गाडयो आयकॉनिक परफॉर्मन्स दितात. डिजिटल नवनिर्मणी आनी ह्यो गाडयो वापरप्यांच्या अणभवा प्रमाण ह्यो गाडयो तयार केल्ल्यान चलयतना खुबूच मजा येता. चलोवप्यांक वेगळी अनुभूती दिवपी २४० एमएम सर्कुलर ओएलईडी टचस्क्रीन डिस्प्लेसयत आशिल्लें नवें मिनी इंटरॅक्शन युनिट सामकेंच अफलातून अशें आसा.
नवी मिनी ऑपरेटिंग सिस्टम ९, इंटेलिजंट पर्सनल असिस्टंट, डिजिटल की प्लस, एक्सपीरियन्स मोड्स, टेलीसर्व्हिसेस, फिश आय कॅमेरा, अश्यो गजाली ह्या गाडयांक आसा. क्लासिक आनी फेवर्ड पॅकां वांगडा ह्यो गाडयो येतात.ृ
बीएमडब्ल्यू ग्रुप इंडियाचे अध्यक्ष आनी सीईओ विक्रम पावाह हांणी सांगलें, मिनीन सदांच नवें तरेन सुरवात केल्या, नवो इतिहास बरयला, आधुनीक काळाखातीर सदांच नवें सोदून काडला. वेळावेळार स्वताचे मूळ, स्वताची संस्कृती व्हगडायनासतना आधुनीक तंत्रगिन्यानाक आपणावन लोकांक बर्याचे गाडयो दिल्यात.
नवी मिनी फॅमिली शुद्ध डिझायन आनी वापरपाक सामकी बरी अशी तयार केल्या. न्यू मिनी फामिली भारतांत अभूतपूर्व सादेपणान पदार्पण करतात. मॉडर्न, कलरफुल, क्लासीक पॅक आनी फेवर्ड पॅक अशें स्टायलीश पर्याय दिता. द न्यू मिनी कूपर एसची एक्स शोरूम किंमत ४४,९०,००० रुपया आसा. जाल्यार द न्यू ऑल इलेक्ट्रिक मिनी कंट्रीमॅनची एक्स शोरूम किंमत ५४,९०,००० रुपया आसा. मिनी कंट्रीमॅन गाडयेक मिनी स्मार्ट वॉलबॉक्स चार्जर येता जो वन टाय इन्स्टॉल्ड आसतलो. ह्या दोनूय गाडयांकअमर्यादित किलोमीटरसयत दोन वर्षांची स्टँडर्ड वॉरंटी आसा. तशेंच २ वर्सा आनी ५ वर्सा 24×7 रस्त्या कुशीक सहाय्य मेळटा. पोर्टेबल रोडसायड चार्जीगाचीय सेवा मेळटा.
मिनी कंट्रीमॅनाक हायवोलोल्टेज बॅटरी जिका ८ वर्सांची नाजाल्यार १ लाख ६० हजारांची वॉरंटी मेळटा.
कूपर एसाक ३ वर्सा नाजाल्यार ४० हजार किलोमीटरचो सर्वीस प्लान मेळटा. तशेंच ही पॅकेज १० वर्षांमेरेन वा २ लाख किलोमीटर मेरेन वाडोवपाक मेळटा. कंट्रीमॅन ई क ४ वर्साची वा २ लाख किलोमीटराचो सर्विस प्लान मेळटा, तो १० वर्षांमेरेन वाडोवपाक मेळटा. बीएमडब्ल्यू इंडिया फायनान्सीयल सर्विसान सोंपो अर्थीक उपाय काडून गिरायकांक थाकाय दिल्या. गाडयांचे इंटेरियर सामकी नवीं अनुभूती दिता. रेसीक गो कार्ट मोड, उर्जा वाचोवंक ग्रीन मोड आनी लायव्हली विवीड मोड आनी खूब कितें ह्या गाडयांनी आसा.
मिनी कंट्रीमॅन ही खर्या अर्थान फामिली कार जावन आसा. तशेंच ह्या दोनूय गाडयांनी सुरक्षा उच्च दर्जाची आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
