भांगरभूंय | प्रतिनिधी
पणजी: माशेल महिला सहकारी क्रेडीट सोसायटींत जाल्ल्या गैरवेव्हाराच्या चवकशीचे आदेश दिल्यात, अशें मुख्यमंत्री डॉ. प्रमोद सावंंत हांणी सांंगलें.
माशेल महिला क्रेडीट सोसायटींत 18 कोटींचो गैरवेव्हार जाल्ल्याचो आरोप ठेविदारांनी केला. 509 ठेविदारांचे 18 कोटी रूपया बुडयिल्याचो आरोप ठेविदारांनी केलो. ठेविदारांनी सहकार निबंधकांची भेट घेवन कारवाय करपाचे निवेदन सादर केलां.
माशेल महिला सहकारी क्रेडीट सोसायटींत जाल्ल्या गैरवेव्हाराक संंचालक लेगीत जापसालदार आसात. संंचालकांंनी ही गजाल सरकाराच्या नदरेक हाडून दिवपाची गरज आशिल्ली,अशें सहकार मंंत्री सुभाष शिरोडकार हांंणी सांंगलें. सोसायटीच्या मालमत्तेची चवकशी जातली. वसुलीचो नियाळ घेवन ठेविदारांंचे पयशें परत करपाची कार्यवाही जातली, अशें सहकार मंंत्री सुभाष शिरोडकार हांंणी सांंगलें.
सहकारी संंस्थांंच्या कारभाराचेर नियंंत्रण दवरपा खातीर आपूण सहकार मंंत्री आसतना खर कायदो जाल्लो. हाका लागून आतां कारवाय करप शक्य आसा, अशें मंंत्री गोविंंद गावडे हांंणी सांंगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
