भांगरभूंय | प्रतिनिधी
नवी दिल्ली, खबरां संस्था: येमेना हैती बंडखोरांनी रेड सींतल्यान माल व्हरपी बोटींक लक्ष्य करपाचें प्रमाण वाडलां. आतां ह्या बोटींनी आपलो मार्ग बदलून प्रवास करपाचें धोरण स्विकारलां.
इस्रायल-हमासच्या झुजांत पॅलेस्टिनाक फाटबळ दिवपा खातीर हैती फाटोफाट क्षेपणास्त्र आनी ड्रोन हल्ले करतात. ताका लागून आतां सुएझ कालव्यांतल्यान जावपी बोटींची येरादारी धोक्याची जाल्या. ताचो परिणाम म्हणून पुर्वे कडल्यान पश्चीमे दिकेन जावपी येरादारीकूय धोको निर्माण जाला. मालाची वाहतूक बंद पडिल्ल्यान हाचो फटको गरीब देशांचेर बसपाक लागला.
हालींच्या काळांत हैती बंडखोरांनी केल्ल्या हल्ल्याक लागून कांय व्हडल्या बोटींची वाहतूक कांय कंपन्यांनी सुएझ कालव्यांत येरादारी बंद उडयल्या. ह्या कंपन्यां मदीं फ्रान्सची सीएमएसीसीजी, जर्मनीची हपाग लॉएड, डेन्मार्कची मायर्स्क ह्या आंतरराष्ट्रीय पांवड्या वयल्या कंपन्यांचो आसपाव आसा. ह्या कंपनींच्यो बोटी आतां आफ्रिका खंडाक वोल्त मारून वतल्यो. ताका लागून प्रवासाचो काळ २ सप्तकां आनी प्रवासाचो खर्च तीन पटीन वाडटलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
