भांगरभूंय | प्रतिनिधी
भारतीय स्टॅम्प दुरूस्ती कायदो अधिसुचीत
पणजी : रिणा खातीर वा हेर कारणा खातीर जमीन वा मालमत्ता घाण दवरपाची आसल्यार १ हजार रूपयांची स्टॅम्प ड्युटी शुल्क घेतले. पावसांतल्या अधिवेशनांत भारतीय स्टॅम्प ड्युटी (गोंयां खातीर दुरूस्ती) विधेयक २०२५ संमत केल्लें. राज्यपालांनी मान्यताय दिले उपरांत कायद्यांत रूपांतर करपी अधिसुचवणी जारी जाल्या. आवय, बापूय, पूत, नातू, पुतणयो, जावय, सून हांकां मालमत्ता वा जमीन दान वा भेट दिल्यार ५ हजार रूपया स्टॅम्प ड्युटी भरची पडटली. हाका लागून कायद्याच्या कलम ६४ त दुरुस्ती केल्या..
जमीन वा मालमत्ता घाण दवरप्यांनी लीज शुल्क वा भाडें घेवपा खातीर पॉवर ऑफ ऍटर्नी दिल्यार ५०० रूपयांची स्टॅम्प ड्युटी घेतले. ह्यान पयलीं घाणाक दवरपी जमीन वा मालमत्तेचेर नियमीत दरा प्रमाणे स्टॅम्प ड्युटी घेताले. आतां १ हजार रूपया अशें निश्चीत शुल्क स्टॅम्प ड्युटी खातीर भरचे पडटले. हे खातीर कायद्याच्या कलम ३९ त दुरूस्ती केल्या.
तशेंच धर्मीक वा सेवाभावी ट्रस्टा खातीर जमीन वा मालमत्ता दिल्यार ५०० रूपयां खातीर १० रूपयां प्रमाण स्टॅम्प ड्युटी भरची पडटली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
