भांगरभूंय | प्रतिनिधी
पेडणें: मालपें-पेडणेंच्या राष्ट्रीय म्हामार्ग ६६चेर आयज सकाळीं सुमार साडेचार ते पावणे पांच वरां मजतीं टाटा कंटेनर एमएच ४३ व्हाय ४६०३ आनी टाटा टिप्पर झिरो 09 यु ६९१२ आनी यामाहा मोटारसायकल एमएच ०९ यु ६९१२ ह्या तीन वाहनां मदीं अपघात जावन कोल्हापूरचो राजकिरण कांबळे मोटार सायकल चालक गंभीर जखमी जालो. ताका म्हापशें जिल्लो हॉस्पिटलांत उपचारा खातीर व्हेला.
मालपे जंक्शना कडेन नवो बायपास रस्तो करपाचें काम एम व्ही आर कंपनीन घेतलां. जून म्हयन्यांत ह्या भागाची पालसण कोसळिल्ली. हाका लागून हो रस्तो आयज मेरेन येरादारी खातीर पुरायेन बंद दवरल्या. पर्यायी रस्तो म्हणून जो आदलो राष्ट्रीय महामार्ग १७ अशीर आनी धोको निर्माण करपी परिस्थितींत आशिल्लो. त्याच रस्त्यावेल्यान सगळे तरेचीं वाहनां यो-वच करतात. हांगा परत परत अपघात घडतूच आसतात.
मजगतीं, राजकिरण कांबळे आनी ताच्या फाटल्यान बशिल्लो सचिन यादव कोल्हापूर सावन गोंयांत मोटार सायकलीन येतालो. हांगचे देंवतेर पावतांच टाटा कंटेनर आनी टाटा टिप्पर ह्या दोनूय वाहनांचो धपको मोटरसायकलीक लागिल्ल्यान मोटरसायकल चालक राजकिरण हो जखमी जालो. ताका म्हापशें जिल्लो हॉस्पिटलांत उपचारा खातीर व्हेला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
