भांगरभूंय | प्रतिनिधी
आठ म्हयन्यां सावन केल्लो येरादारी खातीर बंद
भांगरभूंय । प्रतिनिधी
पेडणें : राष्ट्रीय म्हामार्ग 66 मालपे ते न्हंयबाग बायपास रस्त्याचेर जूनांत पालसण कोसळिल्लें. आनीक पालसणां कोसळचीं न्हय हे खातीर थंय राखणे वणत बांदिल्ली. पूण जून 2024 त ह्या रस्त्या वयल्या दोनूय वटांनी पालसणां कोसळ्ळीं. हाका लागून हो बायपास सगळ्या तरेच्या येरादारी खातीर बंद केलो. आठ म्हयन्यां उपरांत हो वन वे रस्तो येरादारी खातीर परतून उक्तो केला. मालपें ते न्हंयबाग मेरेन जो बायपास रस्तो बांदला, त्या रस्त्या वयल्यान पत्रादेवी सावन पेडण्यां येवपी गाडयांक निर्बंध आसात. मात पेडणें मार्गान पत्रादेवी वचपाक वन वे रस्तो उक्तो केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
